କରୋନା : ଓଡ଼ଗାଁରେ ସର୍ବାଧିକ ୧୨୨, ଗଣିଆରେ ସର୍ବନିମ୍ନ ୧୦ ଆକ୍ରାନ୍ତ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ କରୋନା ମହାମାରୀ କାୟା ମେଲାଇ ଚାଲିଥିବା ବେଳେ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୪୫ରେ ପହଂଚିଥିବା ଜଣାଯାଇଛି । କୋଭିଡ୍ ନୋଡାଲ୍ ଅଧିକାରୀ ତଥା ବନଖଣ୍ଡ ଅଧିକାରୀ ଧନରାଜ୍ ଏଚ୍‌ଡିଙ୍କ ସୂଚନା ମୁତାବକ, ଗତକାଲି ସୁଦ୍ଧା ଜିଲ୍ଲାରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଓଡ଼ଗାଁ ବ୍ଲକରେ ଆଜି ସୁଦ୍ଧା ୧୨୨ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଖଣ୍ଡପଡ଼ାରେ ୧୬ ଜଣ, ଭାପୁର ବ୍ଲକରେ ୧୩ ଜଣ, ଗଣିଆ ବ୍ଲକରେ ୧୦ ଜଣ, ଦଶପଲ୍ଲାରେ ୩୩ ଜଣ, ନୂଆଗାଁ ବ୍ଲକରେ ୩୮ ଜଣ, ନୟାଗଡ଼ ବ୍ଲକରେ ୨୯ ଜଣ, ରଣପୁର ବ୍ଲକରେ ୪୭ ଜଣ ଏବଂ ନୟାଗଡ଼ ପୈାରାଞ୍ଚଳରୁ ୩୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏସବୁ ତଥ୍ୟକୁ ଲକ୍ଷ୍ୟ କଲେ ନୟାଗଡ଼ ବ୍ଲକରୁ ମୋଟ ୬୬ ଜଣ ଆକ୍ରାନ୍ତ ଚିହ୍ନଟ ହୋଇ ଜିଲ୍ଲାର ଆକ୍ରାନ୍ତ ସଂଖ୍ୟାରେ ଏହା ଦ୍ୱିତୀୟ ସ୍ଥାନରେ ରହିଛି । ସେହିଭଳି ଜିଲ୍ଲାର ଭାପୁର ବ୍ଲକରୁ ୧୧ ଜଣ, ଦଶପଲ୍ଲାରୁ ୨୫ ଜଣ, ଗଣିଆରୁ ୯ ଜଣ, ଖଣ୍ଡପଡ଼ାରୁ ୫ ଜଣ, ନୟାଗଡ଼ ବ୍ଲକରୁ ୨୪ ଜଣ, ନୂଆଗାଁ ବ୍ଲକରୁ ୨୩ ଜଣ, ଓଡ଼ଗାଁରୁ ୯୮ ଜଣ, ରଣପୁରରୁ ୩୭ ଜଣ, ନୟାଗଡ଼ ପୈାରାଞ୍ଚଳରୁ ୨୯ଜଣ ସୁସ୍ଥ ହୋଇଥିବା ଜଣାଯାଇଛି । ଜିଲ୍ଲାରେ ମୋଟ ସୁସ୍ଥଙ୍କ ସଂଖ୍ୟା ୨୬୧ ବୋଲି ଜଣାଯାଇଛି । ଜିଲ୍ଲାରେ ଜଣେ ବ୍ୟକ୍ତି କରୋନା ଦ୍ୱାରା ମୃତ୍ୟୁ ବରଣ କରିଥିବା ଜଣାଯାଇଛି ।