ଆଜି ୩୭ଙ୍କୁ ମିଶାଇ ଜିଲ୍ଲାରେ ମୋଟ ୪୯୪ ସୁସ୍ଥ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ଯେଉଁ ପରିମାଣର ବୃଦ୍ଧି ପାଉଛି, ସେହି ତୁଳନାରେ ସୁସ୍ଥଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଛି । ଗତକାଲି ସଂନ୍ଧ୍ୟା ସୁଦ୍ଧା ଭାପୁର ବ୍ଲକରୁ ୧୯ ଜଣ, ଦଶପଲ୍ଲାରୁ ୫୧ ଜଣ, ଗଣିଆରୁ ୧୭ ଜଣ, ଖଣ୍ଡପଡ଼ାରୁ ୫୪ ଜଣ, ନୟାଗଡ଼ ବ୍ଲକରୁ ୩୯ ଜଣ, ନୂଆଗାଁ ବ୍ଲକରୁ ୩୮ ଜଣ, ଓଡ଼ଗାଁରୁ ୧୪୮ ଜଣ, ରଣପୁରରୁ ୫୧ ଜଣ, ନୟାଗଡ଼ ପୈାରାଞ୍ଚଳରୁ ୪୦ଜଣ ସୁସ୍ଥ ହୋଇଥିବା ବେଳେ ମୋଟ ସୁସ୍ଥଙ୍କ ସଂଖ୍ୟା ୪୫୭ ରହିଥିଲା । ଆଜି ଜିଲ୍ଲାରୁ ନୂଆ ୩୭ ଜଣ ସୁସ୍ଥ ହୋଇଥିବା ବେଳେ ମୋଟ ସୁସ୍ଥ ସଂଖ୍ୟା ୪୯୪ ବୋଲି ଜଣାଯାଇଛି । ଜିଲ୍ଲାରେ ୩ ଜଣ ବ୍ୟକ୍ତି କରୋନା ଦ୍ୱାରା ମୃତ୍ୟୁ ବରଣ କରିଥିବା ଜଣାଯାଇଛି । ସେହିଭଳି ଅନ୍ୟ ଦୁଇ ଜଣ କରୋନା ଆକ୍ରାନ୍ତ ହୋଇ ଅନ୍ୟ ରୋଗରେ ମୃତ୍ୟୁ ବରଣ କରିଥିବା ଜଣାଯାଇଛି ।