ନୟାଗଡ଼ ଜିଲ୍ଲାରୁ ପୁଣି ୪୩ ଆକ୍ରାନ୍ତ, ଓଡ଼ଗାଁରୁ ୩୨ !

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ କରୋନା ମହାମାରୀ କାୟା ମେଲାଇ ଚାଲିଥିବା ବେଳେ ଆଜି ପୁଣି ଜିଲ୍ଲାରୁ ୪୩  ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ଆକ୍ରାନ୍ତଙ୍କ ମଧ୍ୟରେ ଦଶପଲ୍ଲା ମଧ୍ୟଖଣ୍ଡରୁ ଜଣେ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ନୟାଗଡ଼ ବ୍ଲକ ଓ ପୈାରାଞ୍ଚଳରୁ ୬ ଜଣ ଆକ୍ରାନ୍ତ, ରଣପୁରରୁ ୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି ଜିଲ୍ଲାରୁ ସର୍ବାଧିକ ଓଡ଼ଗାଁ ବ୍ଲକରୁ ୩୨ ଜଣ ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ମିଳିଛି । ନୟାଗଡ଼ ପୈାରାଞ୍ଚଳର ମିଶ୍ର କଲୋନୀ ଏବଂ ସୈାଭାଗ୍ୟମଂଜରୀ ଲେନରୁ ଦୁଇ ଜଣ ଆକ୍ରାନ୍ତ ଚିହ୍ମଟ ହୋଇଥିବା ବେଳେ ଇଟାମାଟି, ହରିପୁର, ଶ୍ୟାମଘନପୁର ଏବଂ କଇଥଗାଡ଼ିଆରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିଭଳି ରଣପୁରର ବଜ୍ରକୋଟ, ନରେନ୍ଦ୍ରପୁର ଏବଂ ବ୍ରଜରାଜପୁରୁ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏତଦ୍‌ବ୍ୟତିତ ଓଡ଼ଗାଁ ବ୍ଲକର ନନ୍ଦିଘର, ଭଗବତୀପ୍ରସାଦ, ସୁନାମୁହିଁ, ହରିହରପୁର, ରୋହିବାଙ୍କ, ଶରଧାପୁର ଏବଂ ଓଡ଼ଗାଁ ଥାନାରୁ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି । ଏମାନଙ୍କ ମଧ୍ୟରେ ଭଗବତୀପ୍ରସାଦ ଏବଂ ରୋହିବାଙ୍କରୁ ଅଧିକ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି ।