ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୪୮ରେ ପହଂଚିଛି ଥିବା ବେଳେ ସେମାନଙ୍କୁ ମଧ୍ୟରୁ ମୋଟ ୩ ଆକ୍ରାନ୍ତ ସୁସ୍ଥ ହୋଇଥିବା ଜଣାଯାଇଛି । ପୂର୍ବରୁ ଜଣେ କରୋନା ଆକ୍ରାନ୍ତ ସୁସ୍ଥ ହୋଇଥିବା ବେଳେ ଗତକାଲି ୩ ଜଣ ଆକ୍ରାନ୍ତ ଏବଂ ଆଜି ୨ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ସୂଚନାନୁସାରେ, ଗଣିଆ ବ୍ଲକରୁ ୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଦଶପଲ୍ଲାରୁ ୪, ରଣପୁର ୩, ନୟାଗଡ଼ରୁ ୧୧ ଏବଂ ଓଡ଼ଗାଁ ବ୍ଲକରୁ ସର୍ବାଧିକ ୨୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି । ଚିହ୍ନଟ ହୋଇଥିବା ସମସ୍ତ କରୋନା ଆକ୍ରାନ୍ତ ବାହାର ରାଜ୍ୟରୁ ଫେରି ସଂଗରୋଧରେ ରହିଥିଲେ । ଏଥିମଧ୍ୟରୁ ଆଜି ସୁସ୍ଥ ହୋଇଥିବା ଦୁଇ କରୋନା ଗତ ୧୬ ତାରିଖରେ ଶରଣକୂଳ ନିକଟସ୍ଥ କରଡ଼ା ସଂଗରୋଧରୁ ଚିହ୍ନଟ ହୋଇଥିଲେ । ଏହି ଦୁଇ ଜଣଙ୍କ ମଧ୍ୟରେ ସୋଲପଟାର ଜଣେ ୨୨ ବର୍ଷିୟା ମହିଳା ରହିଥିବା ବେଳେ ସୁନାମୁହିଁର ଜଣେ ୪୫ ବର୍ଷିୟ ପୁରୁଷ ବ୍ୟକ୍ତି ରହିଥିବା ଜଣାଯାଇଛି ।
