ଖଣ୍ଡପଡା, (ବାଘୁଆବାର୍ତ୍ତା): କରୋନା ଭୂତାଣୁ ସଂକ୍ରମିତ ରୋଗୀଙ୍କ ପାଇଁ ଖଣ୍ଡପଡା ସହରରେ କାର୍ଯ୍ୟାରମ୍ଭ କରିଛି ନୂତନ କୋଭିଡ ହସପିଟାଲ । ସମସ୍ତ ଅତ୍ୟାଧୁନିକ ବ୍ୟବସ୍ଥା ଥାଇ ଆରମ୍ଭ ହୋଇଥିବା ଏହି ହସପିଟାଲରେ ୧୦୦ଟି ଶଯ୍ୟାର ବ୍ୟବସ୍ଥା କରାଯାଇଛି । ନୟାଗଡ ଜିଲ୍ଲାପାଳ ଡଃ ପୋମା ଟୁଡୁଙ୍କ ନିର୍ଦ୍ଦେଶକ୍ରମେ ଯୁଦ୍ଧକାଳୀନ ଭିତିରେ ପୂର୍ତବିଭାଗ ପକ୍ଷରୁ ପ୍ରସ୍ତୁତ ଏହି ହସପିଟାଲଟି ୩ମହଲା ବିଶିଷ୍ଟ ହୋଇଥିବା ବେଳେ ରୋଗୀମାନଙ୍କୁ ହ୍ୱିଲ ଚେୟାର ଯୋଗେ ଶଯ୍ୟା ନିକଟକୁ ନେବା ପାଇଁ ଆନୁସଙ୍ଗିକ ବ୍ୟବସ୍ଥା କରାଯାଇଛି । ସନ୍ଦିଗ୍ଧ କରୋନା ରୋଗୀ ଓ କରୋନା ସଂକ୍ରମିତ ରୋଗୀଙ୍କ ପାଇଁ ହସପିଟାଲରେ ସ୍ୱତନ୍ତ୍ର ୱାର୍ଡର ବ୍ୟବସ୍ଥା କରାଯାଇଛି । ଆଇସୋଲେସନ ୱାର୍ଡ ସହ ଡ଼ାକ୍ତର ଓ କର୍ମଚାରୀମାନଙ୍କ ବିଶ୍ରାମ ପାଇଁ ହସପିଟାଲ ପରିସରରେ ସ୍ୱତନ୍ତ୍ର କକ୍ଷର ବ୍ୟବସ୍ଥା ରହିଛି । ହସପିଟାଲ ପରିଚାଳନା ଦାୟିତ୍ୱ ଡଃ ପ୍ରଦୀପ କୁମାର ପାଇକରାୟଙ୍କ ଉପରେ ନ୍ୟସ୍ତ କରାଯାଇଛି । ରବିବାର ଠାରୁ ବିଦ୍ଧିବଦ୍ଧ ଭାବେ କୋଭିଡ ହସପିଟାଲ କାର୍ଯ୍ୟାରମ୍ଭ କରିଥିବା ପ୍ରଶାସନ ସୁତ୍ରରୁ ଜଣାପଡିଛି ।
