ନୟାଗଡ଼, (ବାଘୁଆବାର୍ତ୍ତା) : ଜିଲ୍ଲା ଆଇନ୍ସେବା ପ୍ରାଧିକରଣଙ୍କ ତରଫରୁ ବନମହୋତ୍ସବ ଉପଲକ୍ଷେ ନୟାଗଡ଼ ଜୁଡିସିଆଲ ସରକାରୀ ବାସଭବନ ପ୍ରାଙ୍ଗଣରେ ସାମାଜିକ ଦୂରତ୍ୱ ଅବଲମ୍ବନ କରି ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପରିବେଶର ସୁରକ୍ଷା ପାଇଁ ଗଛଟିଏ ଲଗାଇବା ନିହାତି ଜରୁରୀ ବୋଲି ଅତିଥି ଭାବେ ଯୋଗ ଦେଇ ଜିଲ୍ଲାଜଜ୍ ରୂପଶ୍ରୀ ଚୌଧୁରୀ ମତବ୍ୟକ୍ତ କରିଥିଲେ । ଉକ୍ତ କାର୍ଯ୍ୟକ୍ରମରେ ପରିବାର ଅଦାଲତ ବିଚାରପତି ପ୍ରସନ୍ନ କୁମାର ମିଶ୍ର, ସିଜେଏମ୍ ମାନସ କୁମାର ପଣ୍ଡା, ମହିଳାକୋର୍ଟ ବିଚାରପତି ବର୍ଣ୍ଣାଳୀ ତ୍ରିପାଠୀ, ସବ୍ଜଜ୍ ମୁସାରତ୍ ଜାହିନ୍, ରେଜିଷ୍ଟର ଚିତରଞ୍ଜନ ମିଶ୍ର, ଜିଲ୍ଲା ଆଇନ୍ସେବା ପ୍ରାଧିକରଣ ସଚିବ ରଞ୍ଜୁଲତା ଲେଙ୍କା, ଜେଏମ୍ଏଫ୍ସି ମୋନାଲିସା ଦାସ, ଜେଏମ୍ଏଫ୍ସି ପ୍ରତିମା ସାହୁ, ଡିଏଫ୍ଓ ଧନରାଜ ଏଚ୍ଡି, ଏସିଏଫ୍ ଏବଂ ଗ୍ରାମୀଣ ଆଇନ୍ ସଚେତନତା କର୍ମୀ ପ୍ରଫୁଲ୍ଲ କୁମାର ବେହେରା ଆଇନ୍ସେବା ପ୍ରାଧୀକରଣର କର୍ମଚାରୀମାନେ ସହଯୋଗ କରିଥିଲେ । ଉକ୍ତ କାର୍ଯ୍ୟକ୍ରମରେ ବନବିଭାଗର ସମସ୍ତ କର୍ମଚାରୀ ଉପସ୍ଥିତ ରହି ବୃକ୍ଷରୋପଣ କରିଥିଲେ ।
