ରଙ୍ଗା ରଙ୍ଗ କାର୍ଯ୍ୟକ୍ରମରେ ଦର୍ଶକ ଝୁମିଲେ
ନୟାଗଡ଼ (ବାଘୁଆ ବାର୍ତ୍ତା ବ୍ୟୁରୋ) ନୟାଗଡ଼ ପୁରୁଣା ସହରରେ ଅନୁଷ୍ଠିତ ବୋଇତ ବନ୍ଦାଣ ଉତ୍ସବର ଦ୍ଵିତୀୟ ସନ୍ଧ୍ୟାରେ ବିଭିନ୍ନ ରଙ୍ଗା ରଙ୍ଗ କାର୍ଯ୍ୟକ୍ରମରେ ଦର୍ଶକ ଝୁମି ଛନ୍ତି । ବାଙ୍କୀର ସିଙ୍ଘମ ଡ୍ୟାନ୍ସ ଗ୍ରୁପ ଓ ଭୁବନେଶ୍ଵରର ରକଷ୍ଟାର ଡ୍ୟାନ୍ସ ଗ୍ରୁପ ଦେଖିବା ପାଇଁ ବହୁ ଦର୍ଶକ ଯୋଗ ଦେଇଥିଲେ । ଆଜିର କାର୍ଯ୍ୟକ୍ରମକୁ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ ନୟାଗଡ଼ କେନ୍ଦ୍ର ସମବାୟ ସଭାପତି ଲୋକନାଥ ସାହୁ, ନୟାଗଡ଼ ବ୍ଲକ ଅଧ୍ୟକ୍ଷା ଗୋଲାପ ଦଳବେହେରା, ନୟାଗଡ଼ ଏନ.ଏ.ସି. ର ପୂର୍ବତନ ନଗରପାଳ ଗୁରୁ ପ୍ରସାଦ ଜେନା, ନୟାଗଡ଼ ବ୍ଲକ ଉପାଧ୍ୟକ୍ଷ ସୁବାସ ଚନ୍ଦ୍ର କଅଁର, ନୟାଗଡ଼ ମୁନିସପାଲଟିର କାର୍ଯ୍ୟ ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇ ଥିଲେ । ବୋଇତ ବନ୍ଦାଣ ଉତ୍ସବ କମିଟିର ସଭାପତି କିଶାନ ଦାସ ସଭା ପରି ଚାଳନା କରିଥିଲେ । ସିନ୍ଦୁର ବିନ୍ଦୁ ସିରିଏଲର ମୁଖ୍ୟ ନାୟକ ଲିଙ୍କନ ଚୌଧୁରୀ(ଦେବା) ଓ ବର୍ଷା ପ୍ରମୁଖ ଯୋଗ ଦେଇ ଅଭିନୟ ଦେଖାଇ ଥିଲେ ଏହି କାର୍ଯ୍ୟକ୍ରମରେ ବହୁସଂଖ୍ୟକ ଦର୍ଶକ ଯୋଗ ଦେଇଥିଲେ ।
