ଗଣଦୌଡ଼ ସହ ଶପଥ ନେଲେ ୧୦ ହଜାର ଯୁବକ
ନୟାଗଡ଼, (ବାଘୁଆବାର୍ତ୍ତା): ଆଜି ସାରା ରାଜ୍ୟରେ ବିଜୁ ଜନତା ଦଳ ପାଳନ କରୁଛି ବିଜେଡିର ୨୭ ତମ ପ୍ରତିଷ୍ଠା ଦିବସ । ଏହି ଅବସରରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେଉଛି । ଏହି ଅବସରରେ ନୟାଗଡ଼ ବ୍ଲକ ଓ ନୟାଗଡ଼ ପୌରାଞ୍ଚଳ ଯୁବକ ମାନଙ୍କୁ ନେଇ ଏକ ଗଣଦୌଡ଼ ଅନୁଷ୍ଠିତ ହୋଇଥିଲା । ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ନେତୃତ୍ୱରେ ୧୦ ହଜାର ଯୁବକ ଏକାଠି ହୋଇଥିଲେ । ନୟାଗଡ଼ ଦକ୍ଷିଣକାଳୀ ପଡିଆରେ ସକାଳୁ ସକାଳୁ ଛାତ୍ର ଓ ଯୁବକ ମାନେ ପହଞ୍ଚି ବିଭିନ୍ନ ନାରା ଦେଇଥିଲେ ।
ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ସମସ୍ତ ଯୁବକ ମାନଙ୍କୁ ଶପଥ ପାଠ କରାଇଥିଲେ । ମୁଁ ବିଜୁ ଜନତା ଦଳର ଜଣେ ସକ୍ରିୟ ଓ ଶୃଙ୍ଖଳିତ ସଭ୍ୟ ଭାବେ ନିଜକୁ ଗର୍ବ ଅନୁଭବ କରେ । ଓଡିଶା ବିକାଶର ସାରଥୀ ନବୀନ ପଟ୍ଟନାୟକଙ୍କ ନେତୃତ୍ୱରେ ବିକାଶକୁ ଅଧିକ ତ୍ୱରାନ୍ୱିତ କରିବା ପାଇଁ ସୈନିକ ହିସାବରେ କାର୍ଯ୍ୟ କରିବି । ରାଜ୍ୟର ବିକାଶ ପାଇଁ ସଂଗ୍ରାମ କରିବି । ଆଜିର ୨୭ ତମ ପ୍ରତିଷ୍ଠା ଦିବସରେ ସପଥ କରୁଛିକି ଓଡିଶାର ସ୍ୱାର୍ଥ ପାଇଁ ଉତ୍ସଗିକୃତ ଭାବେ କାର୍ଯ୍ୟ କରିବା ସହ ଏକ ସମୃଦ୍ଧ, ସସକ୍ତ, ସ୍ୱାଭିମାନ ଓ ନବୀନ ଓଡିଶା ଆମ ଓଡିଶାରେ ସାମିଲ ହେବି । ଏହି ଉପଲକ୍ଷେ ଦକ୍ଷିଣକାଳୀ ପଡିଆରୁ ବଲାଙ୍ଗି ପାର୍କ ପର୍ଯ୍ୟନ୍ତ ଏକ ଗଣଦୌଡ଼ ଅନୁଷ୍ଠିତ ହୋଇଥିଲା ।
ଏଥିରେ ସମସ୍ତ ଛାତ୍ର ଓ ଯୁବକ ସାମିଲ ହୋଇଥିଲେ । ଆଜିର ଏହି କାର୍ଯ୍ୟକ୍ରମରେ ନୟାଗଡ଼ ପୌରଧ୍ୟକ୍ଷା ନିରୁପମା ଖଟେଇ, ଉପାଧ୍ୟକ୍ଷ ଗୁରୁପ୍ରସାଦ ଜେନା, ନୟାଗଡ଼ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ଉପାଧ୍ୟକ୍ଷା ଲକ୍ଷ୍ମୀପ୍ରିୟା ସାହୁ, ଓଡ଼ଗାଁ ବ୍ଲକ ଅଧ୍ୟକ୍ଷ ଲୋକନାଥ ସାହୁ, ନୟାଗଡ଼ ବିଜୁ ମହିଳା ସଭାନେତ୍ରୀ ବରଜାଲକ୍ଷ୍ମୀ ସାହୁ, ନୟାଗଡ଼ ନିର୍ବାଚନ ମଣ୍ଡଳୀ ସଭାପତି ଗଙ୍ଗାଧର ପଣ୍ଡା, ନୟାଗଡ଼ ଯୁବ ବିଜେଡି ସଭାପତି ଦୁର୍ଯ୍ୟୋଧନ ବେହେରା, ଛାତ୍ର ବିଜେଡି ସଭାପତି ନୀଳମାଧବ ପଣ୍ଡା, ନୟାଗଡ଼ ବ୍ଲକ ବିଜେଡି ସଭାପତି ଅଜିତ ପ୍ରସାଦ ସାହୁ ଙ୍କ ସମେତ ବହୁ କର୍ମକର୍ତା ଯୋଗ ଦେଇଥିଲେ ।
