ନୟାଗଡ଼, (ବାଘୁଆବାର୍ତ୍ତା): ଉକ୍ôଳୀୟ ସଂସ୍କୃତି ଉଜ୍ଜ୍ୱିବିତ ହୋଇଛି ପୈାରାଣିକ କିମ୍ବଦନ୍ତୀ ଗାଥାକୁ ନେଇ । ଓଡ଼ିଶାର ବିଭିନ୍ନ ସ୍ଥାନରେ ଅନେକ ପୈାରାଣିକ ତଥା ଐତିହ ସ୍ଥାନ ଆମ କଳା ଓ ସଂସ୍କୃତିକୁ ଉଜ୍ୱିବିତ କରୁଥିବା ବେଳେ ସେଥି ମଧ୍ୟରୁ ଅନ୍ୟ ଏକ ପୈାରାଣିକ ପୀଠ ହେଉଛି ଭୀମରା ପର୍ବତ । ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଖମାରସାହି ଗ୍ରାମ ପଂଚାୟତ ଅନ୍ତର୍ଗତ ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଠାରୁ ପ୍ରାୟ ୨ କିମି ଦୂରରେ ଅବସ୍ଥିତ । ଏହା ହେଉଛି ଏକ ବିରାଟ ବର୍ତୁଳାକାର ତ୍ରିସ୍ତରୀୟ ପ୍ରସ୍ତର । ଯେଉଁଠାରେ ପୁରାଣ ପୁରୁଷ ପଚୁଂପାଣ୍ଡବ ବହୁ ବର୍ଷ ପୂର୍ବେ ଏଠାରେ ଥିବା ବଡ଼ ଗୁମ୍ଫା ମଧ୍ୟରେ ବନବାସୀ ଜୀବନ ବିତାଇଥିଲେ ବୋଲି ଲୋକଗାଥା ରହି ଆସିଛି । ଏହାର ସବା ଉପରି ଭାଗ ପ୍ରଶସ୍ତ ଚଟାଣପରି ଏବଂ ଏହା ଉପରେ ଦ୍ୱିତୀୟ ପାଣ୍ଡବ ଭୀମଦେବଙ୍କ ପାଦ ଚିହ୍ନ ସମେତ ଗଦା ସଂକେତ ପ୍ରତୀୟ ମାନ ହୁଏ । ଯାହାକି ଅଂଚଳ ମଧ୍ୟରେ ଆଧ୍ୟାତ୍ମିକ ବିଶ୍ୱାସ ସୃଷ୍ଟି କରି ଆସୁଅଛି । ନିମ୍ନ ଚଟାଣ ପ୍ରସ୍ତରରେ ଅଶ୍ୱଖୁରା କୃତି, ହଣ୍ଡା ଘୋଷରା ଚିହ୍ନ ସହିତ ପାଣ୍ଡବ ଭାଇ ମାନଙ୍କ ଦ୍ୱାରା ବ୍ୟବହୃତ ରୋଷଶାଳା ଦୃଶ୍ୟ ମଧ୍ୟ ଦୃଷ୍ଟି ଗୋଚର ହୁଏ । ପାହାଡ଼ ଶୀର୍ଷରେ କୈାଣସି ଏକ ସ୍ଥାନରେ କୁଦା ମାରିଲେ ଯେଉଁ ଶବ୍ଦ ଶୁଣାଯାଏ ତାହା ‘କଂସା ଝଣଝଣ’ ସ୍ଥଳ ନାମରେ ପରିଚିତ । ଏହି ପାହାଡ଼ର ଉତ୍ତରରେ ସଂଲଗ୍ନ ରଙ୍ଗିଆ ପାହାଡ଼ ଏବଂ ଉତ୍ତର ପୂର୍ବରେ ଗଡ଼ଜାତ ରାଜାଙ୍କ ଦ୍ୱାରା ସ୍ଥାପିତ ଶ୍ରୀ ଜଗନ୍ନାଥ ମନ୍ଦିର ଅବସ୍ଥିତ । ପଶ୍ଚିମ ପାଶ୍ୱର୍ ପାଦ ଦେଶରେ ଏକ କ୍ଷୁଦ୍ର ଝରଣା ନିରନ୍ତର ପ୍ରବାହିତ ହେଉଛି । ନିକଟସ୍ଥ ସାରେଣିଗଣ୍ଡା ଗ୍ରାମର ବୁଢିମା ଠାକୁରାଣୀ ଏ ଅଚଂଳର ପ୍ରତ୍ୟକ୍ଷ ଦେବୀ । କେଉଁ ଅଜଣା କାଳରୁ ଏହି ସ୍ଥାନରେ ପ୍ରତିବର୍ଷ ଓଡ଼ିଆ କାର୍ତ୍ତିକ ମାସରେ ସାଧାରଣତଃ ଆଖପାଖ ଅଂଚଳର ପ୍ରତି ବିଦ୍ୟାଳୟର ଶିକ୍ଷାର୍ଥି ଓ ଶିକ୍ଷକ ଏବଂ ଗ୍ରାମବାସୀମାନେ ବଣଭୋଜି କରିବାକୁ ଆସନ୍ତି । ବର୍ତ୍ତମାନ ଅଂଚଳର ଜନସାଧାରଣଙ୍କ ଉଦ୍ୟମରେ ପ୍ରାୟ ୧୦ ବର୍ଷ ହେଲା ପାହାଡ଼ ପାଦଦେଶସ୍ଥ ପରିସରରେ ରାଧାକୃଷ୍ଣ ମନ୍ଦିର ପ୍ରତିଷ୍ଠା ହେବା ସହ ସାଜସଜ୍ଜା କରାଯାଇଅଛି । ଏହାକୁ ପର୍ଯ୍ୟଟନସ୍ଥଳୀ ମାନ୍ୟତା ନିମସ୍ତେ ଅନେକ ବଦାନ୍ୟ ଓ ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଛନ୍ତି ଭୀମରା ଉନ୍ନୟନ ଟ୍ରଷ୍ଟ । ଏଥିପ୍ରତି ପ୍ରଶାସନ ଦୃଷ୍ଟି ଦେବା ସହ ଏହାର ପୈାରାଣିକ କିମ୍ବଦନ୍ତୀକୁ ଉଜ୍ଜିବିତ ରଖିବାପାଇଁ ଅଂଚଳବାସୀ ଦାବି କରିଛନ୍ତି ।
