ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହରରେ ବେଆଇନ ଭାବେ ଜବରଦଖଲ ବଢ଼ି ଚାଲିଥିବା ବେଳେ ଆଜି ପୈାର ପ୍ରଶାସନ ଏବଂ ଜିଲ୍ଲା ପ୍ରଶାସନର ମିଳିତ ଉଦ୍ୟମରେ ଜବରଦଖଲ ଉଚ୍ଛେଦ କରାଯାଇଛି । ପ୍ରଶାସନର ଜେସିବି ମାଡ଼ରେ ଜବରଦଖଲ ହୋଇଥିବା ସ୍ଥାନର ପାଚେରୀ ଧରାଶାୟୀ ହୋଇଛି । ସୂଚନାନୁସାରେ, ନୟାଗଡ଼ ସହରରେ ଥିବା ସମର୍ପଣ ବୃଦ୍ଧାଶ୍ରମ ନିକଟରେ ଥିବା ଏକ ସରକାରୀ ସ୍ଥାନକୁ ଜଣେ ମୃଷ୍ଟିମେୟ ବ୍ୟକ୍ତି ଜବରଦଖଲ କରି ଗୃହ ନିର୍ମାଣ କରୁଥିଲେ । ସେହିଭଳି ଭାବେ ନୟାଗଡ଼ ପିଟିଏସ୍ ରୋଡ଼ ନିକଟସ୍ଥ ନବନିର୍ମିତ ଜିଲ୍ଲା ପର୍ଯ୍ୟଟନ କାର୍ଯ୍ୟାଳୟ ପଛ ପାଖରେ ଥିବା ସରକାରୀ ଜାଗାକୁ ଜବରଦଖଲ କରାଯାଇ ପାଚେରୀ ନିର୍ମାଣ ହୋଇଥିବା ଅଭିଯୋଗ ହୋଇଥିଲା । ଯାହାକୁ ନେଇ ଆଜି ନୟାଗଡ଼ ଉପଜିଲ୍ଲାପାଳ ଲଗ୍ନଜିତ ରାଉତଙ୍କ ନେତୃତ୍ୱରେ ନୟାଗଡ଼ ତହସିଲଦାର୍ ଭିକାରୀ ସାହୁ, ପୈାର ନିର୍ବାହୀ ଅଧିକାରୀ ସନ୍ତୋଷ ଜେନା ଘଟଣାସ୍ଥଳରେ ପୈାର କର୍ମଚାରୀ ଏବଂ ଜେସିବି ସହ ପହଂଚି ବେଆଇନ ନିର୍ମାଣକୁ ଭାଙ୍ଗି ଦେଇଥିବା ତହସିଲଦାର ସୂଚନା ଦେଇଛନ୍ତି । ପୂର୍ବରୁ ମଧ୍ୟ ନୟାଗଡ଼ ଏଲ୍ଆଇସି ଅଫିସ୍ ପଛ ପାଖରେ ହୋଇଥିବା ଜବରଦଖଲ ମୁକ୍ତ କରାଯାଇଥିଲା ।
