ଖଣ୍ଡପଡ଼ା,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଭାପୁର ବ୍ଳକ ଅଧିନ ବିଜିପୁର ପଂଚାୟତ ସୁନାଖଳା ଗ୍ରାମର କେଶବ ଚନ୍ଦ୍ର ରାଉତଙ୍କ ଘର ପଛ ପାଖ ବାରିରେ ଥିବା ପାଳଗଦାରେ ସୋମବାର ରାତିରେ ଏକ ବଜ୍ରକାପ୍ତା ପଶିି ରହିଥିବା ନେଇ ଜଣାପଡ଼ିବା ପରେ ବଜ୍ରକାପ୍ତାଟିକୁ ଦେଖିବା ପାଇଁ ଜନସାଧାରଣଙ୍କ ସୁଅ ଛୁଟିଥିଲା । ଏ ସଂପର୍କରେ ଖବରପାଇ ଖଣ୍ଡପଡ଼ା ବନାଚଂଳ ଅଧିକାରୀ ଶ୍ରୀଧର ପଣ୍ଡାଙ୍କ ନିର୍ଦ୍ଦେଶ କ୍ରମେ କର୍ମଚାରୀମାନେ ଘଟଣାସ୍ଥଳରେ ପହଁଚି ପାଳଗଦା ମଧ୍ୟରୁ ମଙ୍ଗଳବାର ସକାଳେ ବଜ୍ରକାପ୍ତାଟିକୁ ଉଦ୍ଧାର କରିଥିଲେ । ଖଣ୍ଡପଡ଼ା ବନାଚଂଳ ଅଧିକାରୀଙ୍କ କାର୍ଯ୍ୟାଳୟ ପରିସରରେ ଏବେ ବଜ୍ରକାପ୍ତାଟିକୁ ସୁରକ୍ଷିତ ଅବସ୍ଥାରେ ରଖାଯାଇଛି । ସଂରକ୍ଷିତ ଜଙ୍ଗଲରେ ବଜ୍ରକାପ୍ତାଟିକୁ ବୁଧବାର ଜଙ୍ଗଲରେ ଛାଡ଼ି ଦିଆଯିବ ବୋଲି ସୂଚନା ମିଳିଛି ।
