ଜିଲ୍ଲା ଅମଲା ସଂଘ ନୂତନ କର୍ମକର୍ତ୍ତା ଚୟନ

ନୟାଗଡ଼, (ବାଘୁଆବାର୍ତ୍ତା) : ଶ୍ରୀଧର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାକୁ କୈଳାଶ ଚନ୍ଦ୍ର ଓଝା ପରିଚାଳନାରେ ଓଡ଼ିଶା ଅମଲା ସଂଘ ନୟାଗଡ଼ ଜିଲ୍ଲା ଶାଖାର ଏକ ସାଧାରଣ ସଭା ନୟାଗଡ଼ ଜିଲ୍ଲାପାଳଙ୍କ ସଦଭାବନା ସଭାଗୃହରେ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ଆଗାମୀ ତିନିବର୍ଷ ପାଇଁ ସଂଘର ନୂତନ କର୍ମକର୍ତ୍ତା ଚୟନ କରାଯାଇଥିବା ଜଣାପଡ଼ିଛି । ନୃସିଂହ ଚରଣ ନାୟକଙ୍କୁ ସଂଘର ଅଧ୍ୟକ୍ଷ ଭାବେ ଚୟନ କରାଯାଇଥିବା ବେଳେ ମନୋଜ କୁମାର ଜେନାଙ୍କୁ ସଭାପତି, ରଶ୍ମିରଂଜନ ଦାଶଙ୍କୁ କାର୍ଯ୍ୟକାରୀ ସଭାପତି, କୈଳାଶ ଚନ୍ଦ୍ର ଓଝା ଏବଂ ଅମିତା ରାମ ଉପସଭାପତି, ବିପିନ ବିହାରୀ ପଟ୍ଟନାୟକ ସଂପାଦକ, ଅବିନାଶ କୁମାର ମାହାର କାର୍ଯ୍ୟାଳୟ ସଂପାଦକ, ସାମନ୍ତ ବିଶ୍ୱମ୍ବର ମହାପାତ୍ର ଯୁଗ୍ମ ସଂପାଦକ, ରାମଚନ୍ଦ୍ର ପତି ସଂଗଠନ ସଂପାଦକ, ଅଭିଶେକ ମିଶ୍ର, ବନମାଳୀ ସ୍ୱାଇଁ,ଦିଲ୍ଲୀପ ଦେହୁରୀ ସୁଶ୍ରୀ ଭୁବନେଶ୍ୱରୀ କଅଁର ସହ ସଂପାଦକ ଭାବେ ମନୋନୀତ ହୋଇଛନ୍ତି । ସେହିଭଳି ଅଜୟ କୁମାର ରଥଙ୍କୁ କ୍ରୋଷାଧ୍ୟକ୍ଷ ଚୟନ କରାଯାଇଛି ।