ନୟାଗଡ଼,(ବାଘୁଆବାର୍ତ୍ତା): ଆଜି ସକାଳେ ନୟାଗଡ଼ ଖଣ୍ଡପଡ଼ା ରୋଡ଼ସ୍ଥିତ ଚିଲିକା ଫ୍ରେସ୍ ସମ୍ମୁଖରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ସୂଚନାନୁସାରେ, କୋଲକାତାରୁ ନୟାଗଡ଼କୁ ଏକ ଆଳୁ ବୋଝେଇ ଟ୍ରକ ଆସୁଥିବା ବେଳେ, ଡ୍ରାଇଭରଙ୍କ ଆଖି ଲାଗିଯାଇଥିଲା ଯାହାଫଳରେ ଚିଲିକା ଫ୍ରେସ୍ ସମ୍ମୁଖରେ ଠିଆ ହୋଇଥିବା କାର ନଂ(ଓଡି୦୨ଏନ୍ ୦୯୦୧)ର ପଛପଟୁ ଧକ୍କା ଦେଇଥିଲା । ଧକ୍କା ଦେବା ଫଳରେ କାରର ପଛ ପାଖ ସଂପୂର୍ଣ୍ଣ ଭାଙ୍ଗି ଯାଇଥିବା ଦେଖାଯାଇଛି । ଏହି ଦୁର୍ଘଟଣାରେ କାହାର କିଛି କ୍ଷୟକ୍ଷତି ହୋଇନାହିଁ । ଅନ୍ୟପଟେ ଚିଲିକା ଫ୍ରେସ୍ ନିକଟରେ ଥିବା ଏକ କ୍ୟାବିନ୍ ଭାଙ୍ଗି ସଂପୁର୍ଣ୍ଣ ନଷ୍ଟ ହୋଇଥିବା ବେଳେ ଏକ ଇଲେକ୍ଟ୍ରି ପୋଲ ଭାଙ୍ଗିଯାଇଛି । ଏନେଇ ଟାଉନ୍ ଥାନାରେ ଅଭିଯୋଗ ହେବାରୁ, ଟାଉନ୍ଥାନା ପୋଲିସ୍ ଘଟଣାସ୍ଥଳରେ ପହ ô ଟ୍ରକ୍ଟିକୁ ଜବତ କରି ଥାନାକୁ ଆଣିଥିବା ବେଳେ ଡ୍ରାଇଭରକୁ ଅଟକ ରଖିଥିବା ଏସ୍ଆଇ ଧର୍ମେନ୍ଦ୍ର ଶିଆଳ ସୂଚନା ଦେଇଛନ୍ତି ।
