ଦୁର୍ଘଟଣାରେ ବୃଦ୍ଧ ଗୁରୁତର

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସହର ପିଟିଏସ୍ ଛକଠାରେ ଆଜି ଜଣେ ଯୁବତୀଙ୍କ ବେପରୁଆ ଗାଡ଼ି ଚାଳନା ପାଇଁ ଜଣେ ବ୍ୟବସାୟୀ ଦୁର୍ଘଟଣା ଗ୍ରସ୍ତ ହୋଇ ଗୁରୁତର ହୋଇଥିବା ଜଣାଯାଇଛି । ସୂଚନାନୁସାରେ, ନୟାଗଡ଼ ଶରଣକୂଳ ଥାନା ଅନ୍ତର୍ଗତ ମଗରବନ୍ଧ ପଂଚାୟତ ସାବିଦେଇପୁର ଗ୍ରାମର ସାଇକେଲ ଦୋକାନୀ ଦାମ ପ୍ରଧାନ ଆଜି ନୟାଗଡ଼ରୁ କୈାଣସି କାମରେ ଆସି ଘରୁକୁ ଫେରୁଥିବା ବେଳେ ନୟାଗଡ଼ ପିଟିଏସ ଛକ ନିକଟରେ ଜଣେ ଯୁବତୀଙ୍କ ବେପରୁଆ ଗାଡ଼ି ଚାଳନା ପାଇଁ ଦୁର୍ଘଟଣାର ଶୀକାର ହୋଇଛନ୍ତି । ରାସ୍ତାରେ ଆସୁଥିବା କିଛି ଲୋକ ଦାମଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିବା ବେଳେ ତାଙ୍କ ଅବସ୍ଥା ସଂଙ୍କଟାପର୍ଣ୍ଣ ରହିଥିବାରୁ ତାଙ୍କୁ ଭୂବନେଶ୍ୱର ଏମ୍ସକୁ ସ୍ଥାନାନ୍ତରିତ କରାଯାଇଛି ।