ନୟାଗଡ଼,(ବାଘୁଆବାର୍ତ୍ତା): ମାର୍ଚ୍ଚ ମାସ ନ ସରୁଣୁ ପାରଦ ୪୨ ଛୁଇଁଲାଣି । ଧୀରେ ଧୀରେ ଜଳାଶୟ ଶୁଖିବାକୁ ବସିଲାଣି। ଏ ସମୟରେ ସାଧାରଣ ମଣିଷ ଭଳି ପଶୁପକ୍ଷୀମାନେ ଜଳ ଟିକେ ପାଇଁ ଡହଳ ବିକଳ ହେଉଛନ୍ତି। ଏ ସମସ୍ୟାକୁ ଦୃଷ୍ଟିରେ ରଖି ନୟାଗଡ଼ର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଅନନ୍ୟା ଫାଉଣ୍ଡେସନ ତରଫରୁ ପଶୁପକ୍ଷୀମାନଙ୍କ ଜଳପାନ ପାଇଁ ରାସ୍ତାର ଉଭୟ ପାର୍ଶ୍ବରେ ଜଳପାତ୍ରର ବ୍ୟବସ୍ଥା କରାଯାଇଛି। ଆଜି ଏହି କାର୍ୟ୍ୟକ୍ରମ ନୟାଗଡ଼ ଜିଲ୍ଲାର ପ୍ରତାପପ୍ରସାଦ ଠାରୁ ଦର୍ପନାରାୟଣପୁର ପର୍ୟ୍ୟନ୍ତ ପାଖାପାଖି ୧୨ କି.ମି. ବ୍ୟାପି କରାଯାଇଥିଲା। ଆଗାମୀ ଦିନରେ ନୟାଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ଏ କାର୍ୟ୍ୟକ୍ରମ କରାଯିବ ବୋଲି ଅନନ୍ୟା ଫାଉଣ୍ଡେସନ୍ ସଭାପତି ଆଶୁତୋଷ ଦାସ, ସଂପାଦକ ସନ୍ତୋଷ ପ୍ରଧାନ ସୂଚନା ଦେଇଛନ୍ତି ।
