ନୟାଗଡ଼,(ବାଘୁଆବାର୍ତ୍ତା): ସାରା ବିଶ୍ୱରେ କରୋନାର ଭୟାବହତା ଲାଗିରହିଛି । ବିକାଶଶୀଳ ରାଷ୍ଟ୍ରଗୁଡିକ ଏହାର ମୁକାବିଲା ପାଇଁ ନାକେଦମ୍ ହୋଇସାରିଲେଣି । ସେହିପରି ଭାବରେ ଭାରତବର୍ଷରେ ମହାରାଷ୍ଟ୍ର ପରି ରାଜ୍ୟ ମଧ୍ୟ ଏକରକମ ବେଫିକର ହୋଇସାରିଲେଣି । ଓଡ଼ିଶାର କରୋନାର ପ୍ରଭାବ ବହୁ ପରିମାଣରେ ନଥିଲେ ମଧ୍ୟ ରାଜ୍ୟ ସରକାରଙ୍କର କଟକଣା ଏବଂ ଜନସାଧାରଣଙ୍କର ସହଯୋଗ ପାଇଁ ରାଜ୍ୟରେ କରୋନାର ବୃଦ୍ଧି ଘଟୁନାହିଁ । କରୋନା ମୁକାବିଲା ପାଇଁ ରାଜ୍ୟ ପୋଲିସ ମହାନିର୍ଦ୍ଦେଶକ ଆଜି ଦିବା ୧ଘଟିକା ସମୟରେ ନୟାଗଡ଼ରେ ପହଞ୍ଚିଛନ୍ତି । ନୟାଗଡ଼ ବସ୍ଷ୍ଟାଣ୍ଡରେ ଓହ୍ଲାଇ ସ୍ଥିତି ପରଖିବା ସହ ସ୍ୱେଚ୍ଛାକୃତ ଭାବେ କାର୍ଯ୍ୟକରୁଥିବା ନୟାଗଡ଼ ସ୍ୱୟଂଶାସିତ ମହାବିଦ୍ୟାଳୟର ଏନ୍ସିସି କ୍ୟାଡେଟ୍ ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଛନ୍ତି । କରୋନା ପରି ବିପତି ସମୟରେ ଏନ୍ସିସି କ୍ୟାଡେଟ୍ ମାନଙ୍କୁ ଏଭଳି କାର୍ଯ୍ୟ କରିବା କିପରି ଲାଗୁଛି ବୋଲି ପଚାରି ବୁଝିଥିଲେ । କିଛି ସମୟ ବାର୍ତ୍ତାଳାପ ପରେ ପୋଲିସ ମହାନିର୍ଦ୍ଦେଶକ ଅଭୟ ନୟାଗଡ଼ ଆରକ୍ଷୀ ଅଧିକ୍ଷକଙ୍କ ସହିତ ଆଲୋଚନା ହେବାର ଜଣାପଡିଛି । ଜିଲ୍ଲାର କରୋନା ପରିସ୍ଥିତି, ନୟାଗଡ଼ ପୋଲିସ ବିଭାଗର କାର୍ଯ୍ୟ ଉପରେ ଆଲୋଚନା କରିପାରନ୍ତି ବୋଲି ଜଣାପଡିଛି । ନୟାଗଡ଼ ଜିଲ୍ଲାରେ କରୋନାର ପ୍ରଭାବ ନଥିଲେ ମଧ୍ୟ ପୋଲିସ ମହାନିର୍ଦ୍ଦେଶକ ବିଭିନ୍ନ ଜିଲ୍ଲା ଗସ୍ତକରି କରୋନା ସମ୍ପର୍କରେ ସମୀକ୍ଷା କରୁଛନ୍ତି । ଆଜିର ଏହି ଗସ୍ତ ପୋଲିସ ବିଭାଗର ମନୋବଳକୁ ଦୃଢ଼ କରିବା ସହିତ ଆଗାମୀ ଦିନର ରଣନୀତି ବିଷୟରେ ଆଲୋଚନା ହେବାର ସମ୍ଭାବନା ରହିଛି । ନୟାଗଡ଼ ଜିଲ୍ଲା ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିୱାକର, ନୟାଗଡ଼ ଡିଏସ୍ପି, ଆଇଆଇସି ଓ ବିଭାଗୀୟ ଅଧିକାରୀମାନେ ଉପସ୍ଥିତ ରହିଥିଲେ ।
