ଲ୍ୟାଣ୍ଡମାଇନ ଉଦ୍ଧାର କରି ନିଷ୍କ୍ରିୟ କଲେ ସୁରକ୍ଷାକର୍ମୀ

ମାଲକାନ୍‌ଗିରି, (ବାଘୁଆବାର୍ତ୍ତା): ଲ୍ୟାଣ୍ଡମାଇନ ଉଦ୍ଧାର କରିବା ସହ ଏହାକୁ ନିଷ୍କ୍ରିୟ କଲେ ସୁରକ୍ଷାକର୍ମୀ । ମାଲକାନଗିରି-ଛତିଶଗଡ ସିମାନ୍ତ ସୁକମା ଜିଲ୍ଲାରେ ନକ୍ସଲପନ୍ଥିଙ୍କ ଯୋଜନା ଭଣ୍ଡୁର ହୋଇଛି । ସୁରକ୍ଷାକର୍ମୀଙ୍କୁ ଟାର୍ଗେଟ କରି ନକ୍ସଲମାନେ ଏହି ବୋମା ଖଞ୍ଜିଥିବା ବେଳେ ସିଆରପିଏଫ ଯବାନମାନେ ଏହି ଲ୍ୟାଣ୍ଡମାଇନ ଠାବ କରି ନିଷ୍କ୍ରିୟ କରିଛନ୍ତି । ସୁକୁମା ଜିଲ୍ଲା ପାଲମପଲ୍ଲୀ ଥାନା ଅନ୍ତର୍ଗତ ଅତୁଲପାରା ଜଙ୍ଗଲରେ ମାଓବାଦୀମାନେ ପୋଲିସକୁ ଟାର୍ଗେଟ କରି ମାଟି ତଳେ ଏହି ଲେଣ୍ଡମାଇନ ପୋତିଥିଲେ । ହେଲେ ସିଆରପିଏଫ ଯବାନମାନେ ଏହି ରାସ୍ତା ଦେଇ କୁମ୍ୱିଂ ଅପରେସନରେ ଯାଉଥିବା ବେଳେ ଲେଣ୍ଡମାଇନ ଡିଟେକ୍ଟର ଦ୍ବାରା ସର୍ଚ୍ଚ କରି ୫ କିଲୋଗ୍ରାମ ଓଜନର ଏହି ବୋମା ଠାବ କରିଥିଲେ । ଏହା ବିସ୍ଫୋରଣ ହୋଇଥିଲେ ଯବାନଙ୍କର ଅନେକ କ୍ଷତି ହୋଇଥାନ୍ତା । ତେବେ ବୋମା ଠାବ ହେବା ପରେ ତୁରନ୍ତ ବୋମା ନିଷ୍କ୍ରିୟକାରୀ ଦଳ ସେଠାରେ ପହଞ୍ଚି ବୋମାକୁ ନିଷ୍କ୍ରିୟ କରିଥିଲେ ।