ଭୁବନେଶ୍ବର, (ବାଘୁଆବାର୍ତ୍ତା): ନିର୍ବାଚନ ପାଖେଇ ଆସିଲାଣି । ସବୁ ଦଳ ପକ୍ଷରୁ ଚାଲିଛି କସରତ । କଂଗ୍ରେସ, ବିଜେପି, ବିଜେଡି ମଧ୍ୟରେ ଚାଲିଛି ଅଙ୍କ କସା । ବିଜେଡି ଶାସନକୁ ଆସିବା ପାଇଁ ଉଦ୍ୟମ ଚଳାଇଛି । ବିଜେପି ମଧ୍ୟ ତାର କାର୍ଯ୍ୟକ୍ରମ ଆରମ୍ଭ କରିଛି । ଅନୁରୁପ ଭାବେ କଂଗ୍ରେସ ତାର କାର୍ଯ୍ୟକ୍ରମ ଆରମ୍ଭ କରିଛି । ପ୍ରାଥମିକତା ଭାବେ ବିଜେପି ପ୍ରାର୍ଥୀ ଘୋଷଣା କରିଥିଲେ ମଧ୍ୟ ଓଡିଶାରେ କୌଣସି ପ୍ରାର୍ଥୀଙ୍କ ନାମ ଘୋଷଣା କରିନାହିଁ । ବିଜେପି ଅନୁଭବ କରୁଛି ଓଡିଶାରେ ବିଜେଡିର କୌଣସି ବିକଳ୍ପ ନାହିଁ । ସେଥି ପାଇଁ ବିଜେପି କୌଣସି ଆଗୁଆ ପ୍ରାର୍ଥୀ ଦେଇନଥିବା ରାଜନୈତିକ ପର୍ଯ୍ୟବେକ୍ଷକ ମାନେ ମତ ପ୍ରକାଶ କରିଛନ୍ତି । ଆଜି ବିଜେଡି ପକ୍ଷରୁ ବରିଷ୍ଠ ନେତା ମାନଙ୍କୁ ନବୀନ ନିବାସକୁ ଡକା ଯାଇଛି । ଅନ୍ୟ ପକ୍ଷରେ ବିଜେପି ନେତା ମାନେ ଦିଲ୍ଲୀ ଗସ୍ତ କରିଛନ୍ତି । ଆଜି ବିଜେଡି ଦଳର ଗୁରୁତ୍ୱପୂର୍ଣ୍ଣ ବୈଠକ ଡକାଯାଇଛି । ଆଗାମୀ ନିର୍ବାଚନ ପାଇଁ କିଛି ବଡ଼ ନିଷ୍ପତ୍ତି ନିଆଯାଇ ପାରେ ବୋଲି ରାଜନୈତିକ ସମିକ୍ଷକ ମାନେ ମତ ପ୍ରକାଶ କରୁଛନ୍ତି । ଗତ କାଲି ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଗସ୍ତରେ ଆସିଥିଲେ । ସେ ରାଜ୍ୟର ବିକାଶକୁ ପ୍ରଶଂସା କରିଥିଲେ । ନବୀନ ପଟ୍ଟନାୟକଙ୍କ ସରକାରଙ୍କୁ ପ୍ରଶଂସା କରିଥିଲେ । ଆଜି ରାଜ୍ୟ ବିଜେପିର ନେତା ମାନଙ୍କୁ ଦିଲ୍ଲୀ ଡାକରା ହୋଇଛି । ସନ୍ଧ୍ୟା ସମୟରେ ବୈଠକ ବସିବାର ସମ୍ଭାବନା ରହିଛି । ଏଥି ନିମନ୍ତେ ରାଜ୍ୟ ବିଜେପିର ନେତା ମାନେ ଦିଲ୍ଲୀ ଗସ୍ତ କରିଛନ୍ତି । ବିଜେପି ପ୍ରଥମ ପର୍ଯ୍ୟାୟରେ ୧୯୫ ପ୍ରାର୍ଥୀଙ୍କ ନାଁ ପ୍ରକାଶ କରିଥିବା ବେଳେ ଓଡିଶାର କୌଣସି ନାଁ ନଥିବାରୁ ଏହାକୁ ନେଇ ଜାତୀୟ ସ୍ତରରେ ଆଲୋଚନା ହୋଇଛି । ଯାହା ରାଜ୍ୟ ବିଜେପି ପାଇଁ ସମସ୍ୟା ସୃଷ୍ଟି କରିଛି । ଆଗାମୀ ଦିନରେ ଓଡିଶା ରାଜନୀତି କେଉଁ ବାଟକୁ ଯାଉଛି ରାଜନୈତିକ ପର୍ଯ୍ୟବେକ୍ଷକ ମାନେ ଅପେକ୍ଷା କରିଛନ୍ତି ।
ନବୀନ ନିବାସକୁ ବରିଷ୍ଠ ନେତାଙ୍କୁ ଡାକରା, ଦିଲ୍ଲୀ ଯିବେ ବିଜେପି ନେତା, ରାଜନିତୀ ସରଗରମ
