ନୟାଗଡ଼, ୭ା୧୧(ବାଘୁଆବାର୍ତ୍ତା ବ୍ୟୁରୋ) : ନୟାଗଡ଼ ସହରରେ ନିୟମିତ ଭାବେ ନକଲି ଜର୍ଦ୍ଦା ବିକ୍ରି କରୁଥିବା ଅଭିଯୋଗରେ ଦୁଇ ବ୍ୟବସାୟୀଙ୍କୁ ଟାଉନଥାନା ପୁଲିସ ଗିରଫ କରିଛି । ସେମାନେ ହେଲେ ପୁରୁଣାସହର ଦାଣ୍ଡସାହିର ସନ୍ତୋଷ କୁମାର ସାହୁ ଏବଂ ଦଶପଲ୍ଲା ବାଘୁଆପଶିର ସର୍ବେଶ୍ୱର ପ୍ରଧାନ । ସୂଚନାନୁସାରେ, ଏହି ଦୁଇଜଣଙ୍କର ନୟାଗଡ଼ରେ ବ୍ୟବସାୟ ପ୍ରତିଷ୍ଠାନ ରହିଥିବା ବେଳେ ଏମାନେ ନିଜ ଦୋକାନରେ ନିୟମିତ ନକଲି ଜର୍ଦ୍ଦା ବିକ୍ରୟ କରୁଥିଲେ । ଏନେଇ ଗୋପାଳ କମ୍ପାନୀ କତ୍ତୁପକ୍ଷ ଜାଣିବା ପରେ କମ୍ପାନୀ କର୍ମଚାରୀ କୈଳାଶ ସିଂ ଚୈାହାନ ଆସି ନୟାଗଡ଼ ଟାଉନଥାନାରେ ଅଭିଯୋଗ କରିଥିଲେ । ପୁଲିସ ସେମାନଙ୍କ ନିକଟରୁ ନକଲି ଜର୍ଦ୍ଦା ଜବତ କରିବା ସହ ଗିରଫ କରିଥିବା ନେଇ ଟାଉନଥାନା ଅଧିକାରୀ ଜୟଦୀପ ମହାନ୍ତି ସୂଚନା ଦେଇଛନ୍ତି ।
