୧୭ ବର୍ଷିୟା ନାବାଳିକାକୁ ଉଦ୍ଧାର କଲା ଚାଇଲ୍ଡ ଲାଇନ୍
ନୟାଗଡ଼, (ବାଘୁଆବାର୍ତ୍ତା) : ଆଜି ଗୋଟିଏ ନାବାଳିକା ବିବାହକୁ ଅଟକାଇଛି ଚାଇଲ୍ଡ ଲାଇନ । ସୂଚନାନୁସାରେ, ଖଣ୍ଡପଡ଼ା ସହରରେ ଜଣେ ନାବାଳିକାର ଆସନ୍ତାକାଲି ବିବାହ ହେବାକୁ ଥିବାର ଖବରପାଇ ଚାଇଲ୍ଡ ଲାଇନ ଓ ଆଇସିଡିଏସ୍ କର୍ମଚାରୀ ଘଟଣାସ୍ଥଳରେ ପହଂଚି ନାବଳିକା ବିବାହକୁ ବନ୍ଦ କରିବା ସହ ନାବାଳିକାକୁ ଉଦ୍ଧାର କରିଛନ୍ତି । ଏହି ନାବାଳିକାଙ୍କ ବଡ଼ ଭଉଣୀ ପାଇଁ ଖୋର୍ଦ୍ଧା ବାଶେଳୀସାହିର ରଂଜନ ବେହେରାଙ୍କ ପ୍ରସ୍ତାବ ପଡ଼ିଥିଲା । ମାତ୍ର ବଡ଼ ଭଉଣୀ ମନ ନପାଇବାରୁ ସାନ ଭଉଣୀ ସହ ବିବାହ ସ୍ଥିର ହୋଇଥିଲା । ଆସନ୍ତାକାଲି ନାବାଳିକାର ବିବାହ ହେବାକୁ ଥିବା ବେଳେ ଆଜି ତାଙ୍କୁ ଉଦ୍ଧାର କରାଯାଇଛି । ଆସନ୍ତାକାଲି ସିଡବ୍ଲ୍ୟୁସିରେ ହାଜର କରାଯିବା ବୋଲି ଜଣାଯାଇଛି । ଏଥିସହିତ ନାବାଳିକାଙ୍କ ପରିବାର ପକ୍ଷରୁ ବିବାହ ନକରିବା ପାଇଁ ଏକ ଲିଖିତ ପ୍ରତିଶୃତି ଗ୍ରହଣ କରାଯାଇଛି । ଚାଇଲ୍ଡ ଲାଇନ ସଦସ୍ୟ ଚନ୍ଦ୍ରଶେଖର ବେହେରାମ ସୁଜାତା ବେହେରା, ଖଣ୍ଡପଡ଼ା ଥାନା ଏସଆଇ ପ୍ରଫୁଲ ଦେଓ, ସନ୍ତୋଷିନୀ ପାଣି ପ୍ରମୂଖ ଏହି ଚଢ଼ାଉରେ ସାମିଲ ହୋଇଥିଲେ ।
