ପୂର୍ବ ଶତ୍ରୁତାକୁ କେନ୍ଦ୍ରକରି ବୀଭତ୍ସ ହତ୍ୟା

କଣାସ, (ବାଘୁଆବାର୍ତ୍ତା): ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକଙ୍କୁ ବୀଭତ୍ସ ହତ୍ୟା । ପୁରୀ ଜିଲ୍ଲା କଣାସ ବ୍ଲକ୍ ଅଧୀନ ଗଡିଶାଗଦା ଥାନା ଅଞ୍ଚଳରେ ଘଟିଛି ଏଭଳି ହତ୍ୟାକାଣ୍ଡ । ମୃତକ ହେଲେ ବନ୍ଧମୁଣ୍ଡା ଗ୍ରାମର ପ୍ରତାପ ସୁନ୍ଦରାୟ । ସୂଚନାଯୋଗ୍ୟ ଯେ, ସୋମବାର ଘରୁ ଡ୍ୟୁଟିକୁ ଆସିଥିବା ବେଳେ ଆଉ ଫେରି ନଥିଲେ । ପରିବାର ଲୋକେ ବହୁତ ଖୋଜା ଖୋଜି କରିବା ପରେ ମଙ୍ଗଳବାର ସକାଳୁ ପ୍ରତାପଙ୍କ କ୍ଷତବିକ୍ଷତ ମୃତଦେହ ପାହିଲୁଣ୍ଡି ଠାରେ ଏକ ବିଲରେ ପଡିଥିବା ଖବର ପାଇଥିଲେ । ପୂର୍ବରୁ ପ୍ରତାପଙ୍କର ଗ୍ରାମର କିଛି ନିର୍ଦ୍ଧିଷ୍ଟ ବ୍ୟକ୍ତିଙ୍କ ସହିତ ରାଜନୈତିକ ବିବାଦ ରହିଥିଲା । କିଛି ଦିନ ତଳେ ଝଗଡ଼ା ହେବାରୁ ଥାନାରେ ଅଭିଯୁକ୍ତ ନାଁରେ ମାମଲା ହୋଇଥିଲା । ତେଣୁ ଏହି ଘଟଣା ପାଇଁ ପ୍ରତାପଙ୍କୁ ସଂଘବଦ୍ଧ ଭାବେ ହତ୍ୟା କରାଯାଇଥିବା ତାଙ୍କ ପତ୍ନୀ ଅଭିଯୋଗ କରିଛନ୍ତି । ଅନ୍ୟପଟେ ନିଜ ବାଇକ୍ ଯୋଗେ ଘରକୁ ଫେରୁଥିବା ସମୟରେ ପ୍ରତାପଙ୍କୁ ହତ୍ୟାକରି ତାଙ୍କ ଗାଡ଼ି, ଟଙ୍କା ଓ ମୋବାଇଲ ଫୋନ ଅଭିଯୁକ୍ତ ମାନେ ନେଇଯାଇଥିବା ତାଙ୍କ ଶ୍ବଶୁର ଅଭିଯୋଗ କରିଛନ୍ତି । ଘଟଣାସ୍ଥଳରୁ ମୃତଦେହ ଜବତ କରି ତଦନ୍ତ ଜାରି ରଖିଛି ଗଡିଶାଗଦା ଥାନା ପୋଲିସ ।