ସମ୍ବଲପୁର,(ବାଘୁଆବାର୍ତ୍ତା): ସମ୍ବଲପୁର ଜିଲ୍ଲାରେ ଜଣେ ଶିକ୍ଷକଙ୍କୁ ବିଭତ୍ସ ଭାବେ ହତ୍ୟା କରାଯାଇଛି । ଗାଁ ମୁଣ୍ଡ ପୋଖରୀକୁ ଗାଧୋଇବାକୁ ଯାଇଥିବା ବେଳେ ଏଭଳି ଘଟଣା ଘଟିଛି । ଘଟଣାଟି କୁଚିଣ୍ଡା ଥାନା ଅନ୍ତର୍ଗତ ହାଡ଼ିପାଲି ଗାଁ ପୋଖରୀକୁ ଉକ୍ତ ଗାଁର ଶିକ୍ଷକ ଜଣକ ଆଜି ସକାଳୁ ଗାଧୋଇବାକୁ ଯାଇଥିଲେ । ତେବେ ସେଠାରେ ଦୁର୍ବୃତ୍ତମାନେ ଅର୍ତକୀତ ଭାବେ ଶିକ୍ଷକଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ଗ୍ରାମବାସୀ ସ୍ଥାନୀୟ ମେଡିକାଲ୍କୁ ନେଇଥିଲେ । ସେଠାରେ ଶିକ୍ଷକଙ୍କ ଅବସ୍ଥା ସଂକଟାପର୍ଣ୍ଣ ଥିବାରୁ ତାଙ୍କୁ ବୁର୍ଲା ମେଡିକାଲକୁ ସ୍ତାନାନ୍ତରିତ କରିଥିଲେ । ଶିକ୍ଷକଙ୍କ ବୁର୍ଲା ନେବା ବେଳେ ବାଟରେ ତାଙ୍କ ମୃତ୍ୟୁ ହୋଇଥିଲା । ଯାହାକୁ ନେଇ କୁଚିଣ୍ଡା ପୁଲିସ୍ ଶିକ୍ଷକଙ୍କ ମୃତ ଶରୀର ଜବତ କରି ଶବ ବେବଚ୍ଛେଦ କରିବା ପାଇଁ ପଠାଇ ତଦନ୍ତ ଆରମ୍ଭ କରିଥିବା ଜଣାପଡିଛି । ତେବେ କାହିଁକି ଓ କ’ଣ ପାଇଁ ଶିକ୍ଷକଙ୍କୁ ହତ୍ୟା କରାଯାଇଛି, ତା’ର କାରଣ ଜଣାପଡ଼ି ନାହିଁ ।
