କାଜୁ ଜଙ୍ଗଲ ଦୁଷ୍ମର୍ମ ପରେ ଦଉଡ଼ିରେ ଚିପି ହତ୍ୟା

ଖୋଲିଲା ନାବାଳିକା ହତ୍ୟା ରହସ୍ୟ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ବାଣିଗୋଚ୍ଛା ଥାନା ଅନ୍ତର୍ଗତ ନୂଆଗାଁ ପଞ୍ଚାୟତ ଧୁନ୍ଦୁଗାଡ଼ିଆ ଗ୍ରାମରୁ ଗତ ଶନିବାର ନିଖୋଜ ଶିଶୁ କନ୍ୟାର ଗତକାଲି ଖଣ୍ଡ ବିଖଣ୍ଡିର ଗଳିର ମୃତଦେହ ଉଦ୍ଧାର କରାଯାଇଛି । ଶିଶୁ କନ୍ୟାକୁ ଦୁଷ୍କର୍ମ ପରେ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ସ୍ପଷ୍ଟ ହୋଇଛି । ଏହା ଏକ ଜଘନ୍ୟ ହତ୍ୟାକାଣ୍ଡ ବୋଲି ସୂଚନା ମିଳିଛି । ପୁଲିସ ଉକ୍ତ ଗ୍ରାମର ରବି ଦଳେଇଙ୍କ ପୁଅ ସାଗର ଦଳେଇ(୨୧)କୁ ଗିରଫ କରିଛି । ସୂଚନାନୁସାରେ, ଉକ୍ତ ଗ୍ରାମର କୁନା ନାୟକଙ୍କ ଝିଅ ବେବି ନାୟକ(୬)ଗତ ଶନିବାର ଗାଁ ଦାଣ୍ଡରେ ଅନ୍ୟ ଦୁଇ ଜଣ ଶିଶୁଙ୍କ ସହ ଖେଳୁଥିଲେ । ହଠାତ୍ କିଛି ସମୟ ପରେ ବେବି କେଉଁ ଆଡ଼େ ନିଖୋଜ ହୋଇଯାଇଥିଲେ । ବେବିଙ୍କ ମାଆ ତାଙ୍କ ନପାଇ ଝିଅ କାହା ପାଖରେ ବସି ମୋବାଇଲ ଦେଖୁଥିବା ବୋଲି ଭାବି ନେଲେ । ବିଭିନ୍ନ ସମୟରେ ବେବି ସାହିର ବିଭିନ୍ନ ଲୋକଙ୍କ ପାଖରେ ବସି ମୋବାଇଲ ଭିଡିଓ ଦେଖୁଥିବା ପରିବାର ସୁତ୍ରରୁ ଜଣାଯାଇଛି । ଏଣୁ ମାଆ ଅନ୍ୟ କୈାଣସି କଥା ମନକୁ ନନେଇ ଘର କାମରେ ବ୍ୟସ୍ତ ରହିଲେ । ଅପରାହ୍ନ ୨ଟା ୩୦ ସୁଦ୍ଧା ଝିଅ ନଫେରିବାରୁ ସନ୍ଦେହ ବଢ଼ିଥିଲା । ପରିବାର ଲୋକେ ବହୁ ଖୋଜାଖୋଜି କରିବା ପରେ ଝିଅକୁ ନପାଇବାରୁ ୧୪ ତାରିଖରେ ଥାନାରେ ଅଭିଯୋଗ କରିଥିଲେ । ବାଣିଗୋଚ୍ଛା ପୁଲିସ ୨୯/୨୧ରେ ଏକ ମାମଲା ରୁଜୁ କରିଥିଲା । ନୟାଗଡ଼ ଏସ୍ପି ସିଦ୍ଧାର୍ଥ କାଟରିଆ ଏହାକୁ ଗୁରୁତର ସହ ନେଇଥିଲେ । ସେ ତାଙ୍କର ସ୍ପେଶାଲ ଟିମକୁ ଘଟଣାର ଅନୁସନ୍ଧାନ କରିବା କାର୍ଯ୍ୟରେ ଲଗାଇଥିଲେ । ୨୦ରୁ ଉଦ୍ଧ୍ୱର୍ ପୁଲିସ କର୍ମଚାରୀ ଗ୍ରାମରେ ପହଞ୍ଚି ତନାଘନା କରିଥିଲେ । ପ୍ରାଥମିକ ତଦନ୍ତ ବେଳେ ଗାଁରେ ଅଳ୍ପ ସଂଖ୍ୟକ ପରିବାର ଏବଂ ସମସ୍ତେ ଆଦିବାସୀ ଥିବାରୁ ଝିଅକୁ କେହି ଲୁଚାଇ ରଖିନଥିବା ସ୍ପଷ୍ଟ ହୋଇଥିଲା । ପରେ ବନ୍ୟଜନ୍ତୁ ନେଇ ଯାଇଥିବା ଦିଗରେ ତଦନ୍ତ କରାଯାଇଥିଲା । ମାତ୍ର ସେ ନେଇ କୈାଣସି ସୂଚନା ମିଳିନଥିଲା । ପରେ ପରିବାର କହିବାନୁସାରେ, ଝିଅ ମୋବାଇଲ ଦେଖୁଥିବା ବ୍ୟକ୍ତିଙ୍କ ଉପରେ ସନ୍ଦେହ କରିଥିଲା । ଜଣଙ୍କ ପରେ ଜଣଙ୍କୁ ପଚାରଉଚରା କରାଯିବା ପରେ ସାଗର କଥାରେ ତାଳମେଳ ରହୁନଥିଲା । ଏଣୁ ସାଗରକୁ ବାଟକୁ ଆଣିବା ପାଇଁ ଗାଁରୁ ଅନ୍ୟ ଦୁଇ ଚାରି ଜଣ ଯୁବକଙ୍କ ସହ ସାଗରକୁ ନେଇ ପୁଲିସ ଖୋଜାଖୋଜି କାର୍ଯ୍ୟରେ ଲଗାଇଥିଲା । ଖୋଜାଖୋଜି ସମୟରେ ସାଗର ଉପରେ ଥିବା ସନ୍ଦେହ ଦୃଢ଼ିଭୂତ ହୋଇଥିଲା । ତାକୁ ପୁଲିସ ହେପାଜତକୁ ନେଇ ପଚରାଉଚରା କରିବା ପରେ ସେ ନାବାଳିକାକୁ ହତ୍ୟା କରିଥିବା ମାନି ଥିଲା । ଏକ ଦଉଡ଼ିରେ ଅଭିଯୁକ୍ତ ନାବାଳିକା ବେକକୁ ଚିପି ହତ୍ୟା କରିବା ପରେ ଜଙ୍ଗଲରେ ଫିଙ୍ଗି ଦେଇଥିବା ସ୍ୱୀକାର କରିଥିଲା । ମାତ୍ର ଦୁଷ୍କର୍ମ ଘଟଣାକୁ ଅଶ୍ୱୀକାର କରିଥିଲା । ନୟାଗଡ଼ ଏସପି ସିଦ୍ଧାର୍ଥ କାଟରିଆ, ଏସଡିପିଓ ଶୁଭେନ୍ଦୁ ସିହ୍ନା, ତହସିଲଦାର ଅକ୍ଷୟ କୁମାର ଖେମୁଣ୍ଡ ଗାଁରେ ପହଞ୍ଚି ଏକ ଜଙ୍ଗଲିଆ ସ୍ଥାନରୁ ଶବ ଉଦ୍ଧାର କରିଥିଲେ । ଶବ ଉଦ୍ଧାର ବେଳକୁ ତାହା ପଚି ସାରିଥିବାରୁ ମୁଣ୍ଡଟି ଗଣ୍ଡିରୁ ଅଲଗା ହୋଇ ସାରିଥିବା ଦେଖାଯାଇଥିଲା । ନାବାଳିକାର ଶବ ପଞ୍ଚନାମା କରିବା ସମୟରେ ଏହ ଏକ ଦୁଷ୍କର୍ମ ଘଟଣା ବୋଲି ସ୍ପଷ୍ଟ ହୋଇଥିଲା । ଯୈ÷ାନାଙ୍ଗରେ ଗଭୀର କ୍ଷତ ଚିହ୍ନ ଥିବାରୁ ପୁଲିସ ପୁଣିଥରେ ଅଭିଯୁକ୍ତକୁ ପଚରାଉଚରା କରିବା ପରେ ସେ ଦୁଷ୍କର୍ମ କରିଥିବା ମାନିଥିବା ପୁଲିସ ସୁତ୍ରରୁ ଜଣାଯାଇଛି । ନାବାଳିକାକୁ ସେ ମୋବାଇଲ ଦେଖାଇବା ବାହାନାରେ ଗାଁ ନିକଟବର୍ତ୍ତୀ ଏକ କାଜୁ ଜଙ୍ଗଲକୁ ଡାକି ନେଇ ଦୁଷ୍କର୍ମ କରିଥିଲା । ପରେ ନାବାଳିକା ଅଚେତ ହୋଇପଡ଼ିବାରୁ ସେ ତାକୁ ହତ୍ୟା କରି ଥିବା ପୁଲିସ ନିକଟରେ ସ୍ୱୀକାର କରିଥିବା ସୂଚନା ମିଳିଛି । ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ଜଣାଯାଇଛି ।