ମୁମ୍ବାଇ (ବାଘୁଆବାର୍ତ୍ତା): ଲୋକପ୍ରିୟ ଟେଲି ଅଭିନେତ୍ରୀ ମୁନମୁନ ଦତ୍ତଙ୍କ ବିରୋଧରେ ଇନ୍ଦୋର ପୁଲିସ ମାମଲା କରିଛି । ସେ ଅନୁସୂଚିତ ଜାତି ବର୍ଗର ଲୋକଙ୍କ ପ୍ରତି ଅପମାନଜନକ ଶବ୍ଦ ପ୍ରୟୋଗ କରିଥିବାରୁ ତାଙ୍କ ବିରୋଧରେ ଏପରି ମାମଲା କରାଯାଇଛି । ନିକଟରେ ସେ ନିର୍ଦ୍ଦିଷ୍ଟ ବର୍ଗର ଲୋକଙ୍କ ପ୍ରତି ଅପମାନଜନକ ଶବ୍ଦ ପ୍ରୟୋଗ କରିଥିଲେ । ଏହାର ଭିଡିଓ ଭାଇରାଲ ହେବାର ପରେ ମୁନମୁନ ଦତ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଥିଲା । ଅଖିଲ ଭାରତୀୟ ବଲାଇ ମହାସଂଘ ସଭାପତି ମନୋଜ ପାରମର ପ୍ରଥମେ ପୁଲିସ ନିକଟରେ ମୁନମୁନ ଦତ୍ତ ବିରୋଧରେ ଏଫଆଇଆର କରିଥିଲେ । ତାଙ୍କ ଏଫଆଇଆରକୁ ଭିତ୍ତି କରି ଇନ୍ଦୋର ପୁଲିସ ଅନୁସୂଚିତ ଜାତି ଓ ଜନଜାତି ଆଇନ ଅନୁଯାୟୀ ମାମଲା କରିଛି ।
