ନୟାଗଡ଼,(ବାଘୁଆବାର୍ତ୍ତା): ଓଡ଼ିଶା ରାଜ୍ୟ ସରକାରଙ୍କ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର ନିର୍ଦ୍ଦେଶକ୍ରମେ ଆଜି ନୟାଗଡ଼ ପୌର ପରିଷଦ ତରଫରୁ ଡାକ ବଙ୍ଗଳା ନିକଟ ନିଉ ଟାଉନ ପ୍ରାଥମିକ ବିଦ୍ୟାଳୟ ପରିସରରେ “ମା ପାଇଁ ଗଛଟିଏ”ଅଭିଯାନ ଜରିଆରେ ବୃକ୍ଷରୋପଣ କାର୍ୟ୍ୟକ୍ରମ କରାଯାଇଛି । ଅଁଳା, ଲିମ୍ବ, ଆମ୍ବ, କଡମ୍ବ ଓ ଜାକରନ୍ଦା (ଛାଇପାଇଁ) ପ୍ରଭୃତି ୨୦ ଟି ଚାରା ରୋପଣ କରଯାଇଥିଲା । ଅଧ୍ୟକ୍ଷା ନିରୂପମା ଖଟେଇ, ଉପାଧ୍ୟକ୍ଷା ଗୁରୁପ୍ରସାଦ ଜେନା, କାଉନସିଲର ସ୍ଵୟଂପ୍ରଭା ମିଶ୍ର, ଅଳକା ମଞ୍ଜରି ନାୟକ, ଗୀତାଞ୍ଜଳୀ ସ୍ବାଇଁ, ଜାନକୀ ବଲ୍ଲଭ ଜେନା, ଡୁଡା କାର୍ୟ୍ୟାଳୟର ବିଶେଷଜ୍ଞ ଚିରଞ୍ଜିବ ଦାସ, ପ୍ରଧାନ ଶିକ୍ଷୟତ୍ରୀ ସଞ୍ଜୁକ୍ତା ଦେଇ, ସମାଜସେବି ରୁଦ୍ରପ୍ରସନ୍ନ ରଥ, ଗଦାଧର ଜେନା, ଅଞ୍ଚଳ କୁମାର ସ୍ବାଇଁ ପ୍ରଭୃତି ଯୋଗଦେଇ ଚାରାରୋପଣ କରିଥିଲେ । ନିର୍ବାହୀ ଅଧିଇକାରୀ ସ୍ନେହଲତା ଆଚାର୍ୟ ସମସ୍ତ କାର୍ୟ୍ୟକ୍ରମକୁ ପରିଚାଳନା କରିଥିଲେ। ସମସ୍ତ ଯନ୍ତ୍ରୀ, ସମସ୍ତ କର୍ମଚାରୀ, ସ୍ବଚ୍ଛ ସାଥ୍, ସ୍ବଚ୍ଛ ସୁପରଭାଇଜର ଓ ମହିଳା ସ୍ଵୟଂ ସହାୟକ ଗୋଷ୍ଠୀମାନେ ଉପସ୍ଥିତ ଥିଲେ ।
