ଟିକସ ଜମା କରିବାକୁ ଆଗେଇ ଆସିଲେ ୧୫ ପରିବାର

ନୟାଗଡ଼,(ବାଘୁଆବାର୍ତ୍ତା): ପୈାର ପରିଷଦ ଅନ୍ତର୍ଗତ ୱାର୍ଡ଼ ନଂ ୯ ଅନ୍ତର୍ଗତ ଶିଶୁ ମନ୍ଦିର ପଛ ପାଶ୍ୱର୍ କଲୋନୀରେ ନୂତନ ଭାବେ ଘର ନିର୍ମାଣ କରି ରହୁଥିବା ୧୫ ଟି ପରିବାର ନିଜ ନିଜର ହୋଲଡିଂ ଟ୍ୟାକ୍ସ ଜମା କରିବାକୁ ଆଗେଇ ଆସିଛନ୍ତି । ସରସ୍ୱତୀ ବିହାରରେ ୧୦ ଜଣିଆ ଏକ ଉନ୍ନୟନ କମିଟି ଗଠନ କରାଯାଇଛି । ରାସ୍ତା, ବିଦ୍ୟୁତ, ଡ୍ରେନ, ପାନୀୟ ଜଳ ଓ ପରିମଳ ସେବା ଯୋଗାଇ ଦେବାକୁ ପୌର ନିର୍ବାହୀ ଅଧିକାରୀ ୱାର୍ଡ ଇନଚାର୍ଜ ଗଜେନ୍ଦ୍ର କୁମାର ମହାରଣା, ମା’ ଫାଉଣ୍ଡେସନ ପ୍ରତିଷ୍ଠାତା ତଥା ସମାଜ ସେବୀ ରଂଜନ ରଶ୍ମି ଜେନା, ପ୍ରସନ୍ନ ସ୍ୱାଇଁ ପ୍ରଦୀପ୍ତ ପଟ୍ଟନାୟକ, ଦେବେନ୍ଦ୍ର ଦାସ, ନବ କିଶୋର ମିଶ୍ର, ଚନ୍ଦ୍ର ଶେଖର ପରିଡା, ଦୁର୍ଯ୍ୟୋଧନ ପାଇକରାୟଙ୍କ ସନମତ ସମସ୍ତ ବାସିନ୍ଦା ଉପସ୍ଥିତ ଥିଲେ । ପିଡିଏସ କଲୋନୀରେ ଏକ ଉନ୍ନୟନ କମିଟି ଗଠନ କରାଯାଇଛି । ପୁଲିସ ଟ୍ରେନିଂ ସ୍କୁଲ ଅଧ୍ୟକ୍ଷ ଉବେଶ କୁମାର ନାୟକ, ୟୁନିୟନ ସଭାପତି ମନ ମୋହନ ପରିଡ଼ା, ସଂପାଦକ ବିଜୟ ବେହେରାଙ୍କ ସମେତ ଏକ ୧୦ ଜଣିଆ କମିଟି ଗଠନ କରାଯାଇଛି । ଘର ଘର ବୁଲି ନାଗରିକ ମାନଙ୍କ ଆପତ୍ତି, ଅଭିଯୋଗ ପୌରପାଳିକା ପକ୍ଷରୁ ଶୁଣାଯାଉଛି ।