ଚେନ୍ନାଇ, (ବାଘୁଆବାର୍ତ୍ତା): ଚଳିତ ଆଇପିଏଲ୍ ସିଜିନର ଆଜିର ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ୭ୱିକେଟ୍ ବିଜୟୀ ହୋଇଛି । ଆଇପିଏଲ ସିଜିନ୍-୧୪ ଟି-୨୦ କ୍ରିକେଟ୍ ମ୍ୟାଚରେ ଆଜି ଅପରାହ୍ନରେ ମୁମ୍ବାଇ ଇଣ୍ଡିଆନ୍ସ ସହିତ ରାଜସ୍ଥାନ ରୟାଲ୍ସ ମଧ୍ୟରେ ଅନୁଷ୍ଠିତ ହୋଇଯାଇଛି । ଉକ୍ତ ମ୍ୟାଚରେ ରାଜସ୍ଥାନ ରୟାଲ୍ସ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ଓଭରରେ ମୂଲ୍ୟବାନ ୪ଟି ୱିକେଟ୍ ହରାଇ ୧୭୧ ରନ୍ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ବଟ୍ଟଲର(୪୧ରନ୍, ୩୨ବଲ, ଚୌକା ୩ଟି, ଛକା ୩ଟି), ଜେସୱାଲ(୩୨ରନ, ୨୦ବଲ, ଚୌକା ୨ଟି, ଛକା ୨ଟି), ସଞ୍ଜୁ ସାମସନ୍(୪୨ରନ, ୨୭ବଲ, ଚୌକା ୫ଟି) ଓ ଦୁବେ(୩୫ରନ, ୩୧ବଲ, ଚୌକା ୨ଟି, ଛକା ୨ଟି) କରିଥିବା ବେଳେ ମୁମ୍ବାଇ ୧୭୨ରନର ବିଜୟ ଲକ୍ଷ ନେଇ ପଡିଆ ଭିତରକୁ ପ୍ରବେଶ କରିଥିଲା । ମୁମ୍ବାଇ ୩ଟି ଓି୍ୱକେଟ୍ ହରାଇ ନିର୍ଦ୍ଧାରିତ ଓଭର ପୂର୍ବରୁ ବିଜୟୀ ହୋଇଥିଲା । ମୁମ୍ବାଇ ପକ୍ଷରୁ ଡି କକ୍(୭୦ରନ, ୫୦ବଲ, ଚୌକା ୬ଟି, ଛକା ୨ଟି), କୃନାଲ ପାଣ୍ଡ୍ୟା(୩୯ରନ, ୨୬ବଲ, ୨ଟି ଚୌକା, ଛକା ୨ଟି) କରିଥିବା ବେଳେ ରୋହିତ ଶର୍ମା ୧୪ରନ୍, ସୂର୍ଯ୍ୟକୁମାର ଯାଦବ ୧୬ ଓ କିରଣ ପୋଲାର୍ଡ ୧୬ରନ କରି ଦଳକୁ ବଜୟୀ କରିଥିଲେ । ମୁମ୍ବାଇ ଚଳିତ ସିଜିନରେ ୬ଟି ମ୍ୟାଚ୍ ଖେଳି ୩ଟି ବିଜୟୀ ହୋଇଥିବା ବେଳେ ୩ଟି ପରାଜୟ ହୋଇଛି ।
