ଗୋପାଳକ ଚାଷି ମହେନ୍ଦ୍ର ସିଂ ଧୋନୀ

ଝାଡ଼ଖଣ୍ଡ,(ବାଘୁଆବାର୍ତ୍ତା): ଭାରତ ପୂର୍ବତନ କ୍ୟାପଟେନ ମହେନ୍ଦ୍ର ସିଂ ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ଚାଷବାସରେ ମନ ନିବେଶ କରିଛନ୍ତି । ଯାହାଫଳରେ ଗୋପାଳନ ଓ ପନି ପରିବା ଚାଷକରି ପୂର୍ବ ଭାରତର ସର୍ବଶ୍ରେଷ୍ଠ ଗୋପାଳକ ଭାବେ ସମ୍ମାନିତ ହୋଇଛନ୍ତି ଧୋନୀ । ସୂଚନାନୁସାରେ, ଭାରତର ପୂର୍ବତନ କ୍ୟାପଟେନ ମହେନ୍ଦ୍ର ସିଂ ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ୧୦ଏକ ଜମିରେ ପନି ପରିବା ଚାଷ କରିବା ସହିତ ୭୩ଟି ଗାଇ ରଖି ପାଳନ କରୁଥିଲେ । ଯେତେ ବେଳେ ସହରରେ ଥାଆନ୍ତି ସେତେବେଳେ ଦିନରେ ଥରେ ଆସିଥାନ୍ତି ଏବଂ ଗାଇଗୋରୁଙ୍କ ସେବା କରିଥାନ୍ତି । ତେଣୁ ଧୋନୀଙ୍କ ଅନୁପସ୍ଥିତିରେ ତାଙ୍କ କର୍ମଚାରୀ କୁନାଲ ଗୌରବ ଝାଡ଼ଖଣ୍ଡ ବିଧାନସଭା ବାଚସ୍ପତି ରବିନ୍ଦ୍ରନାଥ ମହତୋଙ୍କ ହାତରୁ ଭାରତର ସର୍ବଶ୍ରେଷ୍ଠ ଗୋପାଳକ ପୁରଷ୍କାର ଗ୍ରହଣ କରିଛନ୍ତି ।