ପୋଲାଭରମ ପ୍ରକଳ୍ପ, ସରକାରଙ୍କ ଉପରେ ବର୍ଷିଲେ ଅରୁଣ, କୁଆଡେ ଗଲା ଓଡିଆ ଅସ୍ମିତା

ଭୁବନେଶ୍ବର, (ବାଘୁଆବାର୍ତ୍ତା): “ଓଡ଼ିଆ ଅସ୍ମିତା ଉପରେ ପୋଲାଭରମ ପ୍ରକଳ୍ପ ଯେଉଁ ଆଘାତ ଦେଇଛି, ଏହାଦ୍ୱାରା ଆଦିବାସୀ ବିସ୍ଥାପିତ ହେବେ । ବର୍ଷା ଦିନ ଆସିବ ବୋଲି ସେଠାରେ କାମ ଜୋରସୋରରେ ଚାଲିଲାଣି । ଓଡ଼ିଶା ସରକାର ଏନେଇ କଥା ହେବାକୁ କହିଥିଲେ, ହେଲେ ଏଯାଏ ଆଲୋଚନା କଲେନି । ମୁଲତବି ପ୍ରସ୍ତାବ ଗ୍ରହଣ ନ କରି କହିଲେ ମାମଲା ବିଚରାଧୀନ ଅଛି”, ଆଜି କିଛି ଏଭଳି ଢଙ୍ଗରେ ପୋଲାଭରମ କଥା ଉଠେଇ, ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି ନୟାଗଡ଼ ବିଜେଡି ବିଧାୟକ ଡ. ବିଧାୟକ ଅରୁଣ କୁମାର ସାହୁ । ଅରୁଣ କହିଛନ୍ତି, ପୋଲାଭରମ ପାଇଁ କେନ୍ଦ୍ର ସରକାର ୧୬ ହଜାର କୋଟି ଦେଲେ ଓ କାମ ଜୋରସୋରରେ ଚାଲିଛି । ଦିଲ୍ଲୀରେ ସାଂସଦ ଦାବି ରଖି ପାରୁନାହାନ୍ତି, ତେଣୁ ଦୁର୍ବଳ ସରକାର ବୋଲି ବିଜେପିକୁ କହିଛନ୍ତି ଅରୁଣ ସାହୁ । ଏହାସହ ଓଡ଼ିଆ ଅସ୍ମିତା କହି ଶାସନକୁ ଆସିଥିବା ସରକାରଙ୍କ କେନ୍ଦ୍ର, ଓଡ଼ିଶା ଓ ଆନ୍ଧ୍ରରେ ସମାନ ସରକାର । ଓଡ଼ିଶା ରାଜ୍ୟପାଳ ବି ଆନ୍ଧ୍ରର , ହେଲେ ପଦକ୍ଷେପ ନେବାକୁ ସରକାରର ସାହସ ନାହିଁ ବୋଲି କହିଛନ୍ତି ବିଜେଡି ବିଧାୟକ । ଏ ସରକାର ଦୁର୍ବଳ ସରକାର । ଦିଲ୍ଲୀ, ଆନ୍ଧ୍ରପ୍ରଦେଶ ଓ ଓଡ଼ିଶାରେ ଟ୍ରିପୁଲ ଇଞ୍ଜିନ ସରକାର ଚାଲୁଥିବା ବେଳେ ପୋଲାଭରମ ପ୍ରକଳ୍ପ ପାଇଁ କାହିଁକି ସରକାର ପଛ ଘୁଞ୍ଚା ଦେଉଛନ୍ତି ବୋଲି ଅରୁଣ ପ୍ରଶ୍ନ କରିଛନ୍ତି । ଦିଲ୍ଲୀରେ ବିଜେପିର ୨୦ ଜଣ ସାଂସଦ ଥିବା ବେଳେ ସେମାନଙ୍କର ମୁହଁ ଖୋଲୁ ନାହିଁ । ପୋଲାଭରମ ପ୍ରକଳ୍ପ ଉପରେ ଆଲୋଚନା କରିବା ପାଇଁ ଏ ସରକାରଙ୍କର ସାହସ ନାହିଁ । ତେଣୁ ଏ ସରକାର ଏକ ଦୁର୍ବଳ ସରକାର ବୋଲି ଅରୁଣ ପ୍ରକାଶ କରିଛନ୍ତି ।