ନୟାଗଡ଼,(ବାଘୁଆବାର୍ତ୍ତା): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ ନୟାଗଡ଼ ନିର୍ବାଚନ ମଣ୍ଡଳୀରେ ମୋ ସ୍କୁଲ ଅଭିଯାନକୁ ଆଗେଇ ନେବାକୁ ପଦକ୍ଷେପ ନିଆଯାଇଛି । କିଛିଦିନ ତଳେ ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ନୟାଗଡ଼ ଓ ଓଡ଼ଗାଁ ବ୍ଲକ ସ୍ତରୀୟ ଆଲୋଚନା କରିଥିଲେ । ଆଜି ନୟାଗଡ଼ ବ୍ଲକର ବିଭିନ୍ନ ବିଦ୍ୟାଳୟ ପାଇଁ ଚୟନ କରାଯାଇଥିବା ମୋଟିଭେଟର ମାନଙ୍କୁ ନେଇ ଏକ କର୍ମଶାଳା ଆୟୋଜିତ ହୋଇଯାଇଛି । ପ୍ରକଳ୍ପ ନିର୍ଦ୍ଦେଶକ ସୁବାସ ଚନ୍ଦ୍ର ରାୟଙ୍କ ଅଧ୍ୟକ୍ଷତାରେ ଡିଆର୍ଡିଏ ସଭା ଗୃହରେ ଆୟୋଜିତ ଏହି କର୍ମଶାଳାରେ ଜିଲ୍ଲା ଶିକ୍ଷା ଅଧିକାରୀ ଅକ୍ରୁର ବାରିକ, ମୋ ସ୍କୁଲ କନ୍ଭେନର୍ ପ୍ରମୋଦ ପଟ୍ଟନାୟକ, ସଂଯୋଜକ ଅରୁଣ କୁମାର ମହାନ୍ତି, ବିଇଓ ନୀଳାମ୍ବର ତ୍ରିପାଠୀ ପ୍ରମୂଖ ଯୋଗ ଦେଇ ମୋ ସ୍କୁଲ ଅଭିଯାନ ସଂମ୍ପର୍କରେ ଆଲୋଚନା କରିଥିଲେ । ଏହି ଅବସରରେ ମୋଟିଭେଟର୍ ମାନେ ବିଦ୍ୟାଳୟକୁ ଯାଇ ଶିକ୍ଷକ ଶିକ୍ଷୟତ୍ରୀ, ଅଭିଭାବକ, ପୁରାତନ ଛାତ୍ରଛାତ୍ରୀ ଏବଂ ବିଦ୍ୟାଳୟ ପାଇଁ ଉତ୍ସାହୀ ତଥା ଆଗ୍ରହୀ ବ୍ୟକ୍ତିଙ୍କୁ ମୋ ସ୍କୁଲ ସଂମ୍ପର୍କରେ ସଚେତନ କରିବାକୁ ପରାମର୍ଶ ଦିଆଯାଇଛି । ଏହି କାର୍ଯ୍ୟକ୍ରମରେ ୪୫ରୁ ଉଦ୍ଧ୍ୱର୍ ମୋଟିଭେଟର ଅଂଶ ଗ୍ରହଣ କରିଥିବା ବେଳେ ଖୁବଶୀଘ୍ର ସେମାନଙ୍କୁ ଦାୟିତ୍ୱ ନେବାକୁ ଥିବା ବିଦ୍ୟାଳୟର ନାମ ଜଣାଇ ଦିଆଯିବ ବୋଲି ସୂଚନା ମିଳିଛି ।
