ମା’ପରି କିଏ ହେବ: ଝିଅକୁ ବଞ୍ଚାଇବାକୁ ଯାଇ ନିଜ ଜୀବନକୁ ବାଜି ଲଗାଇଲା ମା

ଭୁବନେଶ୍ୱର, (ବାଘୁଆବାର୍ତ୍ତା): ଭାଲୁ ମୁହଁରୁ ଝିଅକୁ ବଞ୍ଚାଇବାକୁ ଯାଇ ନିଜ ଜୀବନକୁ ବାଜି ଲଗାଇଲା ମା । ଏଭଳି ଘଟଣା ଘଟିଛି ଖଇରପୁଟ ବ୍ଲକ୍ ବଣ୍ଡାଇଘାଟି ଅଞ୍ଚଳରେ । ସୂଚନାନୁସାରେ, ବଣ୍ଡାଘାଟିର କିରସାନିପଡ଼ା ଗାଁର ସମାରି ଶିଶା ଏବଂ ଝିଅ ଜଙ୍ଗଲକୁ କୌଣସି କାର୍ଯ୍ୟରେ ଯାଇଥିଲେ । ଯିବ ସମୟରେ ହଠାତ୍ ଏକ ଭାଲୁ ମା’ ଏବଂ ଝିଅକୁ ଆକ୍ରମଣ କରିଥିଲା । ଭାଲୁଟି ଯେତେ ବେଳେ ଝିଅକୁ ଆକ୍ରମଣ କରୁଥିଲା ସେହି ସମୟରେ ମା’ ତେବେ ଝିଅକୁ ଭାଲୁ ଆକ୍ରମଣ କରୁଥିବାବେଳେ ମା’ ଭାଲୁ ସହ ଲଢେଇ କରିଥିଲା। ଭାଲୁ ଝିଅକୁ ଛାଡି ମା’କୁ ଆକ୍ରମଣ କରିଥିଲା। ଦୀର୍ଘ ସମୟ ଧରି ଭାଲୁ ସହ ମା ସମାରୀ ଲଢେଇ କରିବା ପରେ ଭାଲୁ ଜଙ୍ଗଲ ଭିତରକୁ ଚାଲିଯାଇଥିଲା। ଭାଲୁ ଆକ୍ରମଣରେ ମା’ ଓ ଝିଅ ଗୁରୁତର ହୋଇଥିଲେ। ତୁରନ୍ତ ସ୍ଥାନୀୟ ଲୋକେ ମା’ ଓ ଝିଅଙ୍କୁ ପ୍ରଥମେ ଖଇରପୁଟ ମେଡିକାଲରେ ଭର୍ତ୍ତି କରିଥିଲେ। ଏହାପରେ ଡାକ୍ତରଙ୍କ ପରାମର୍ଶରେ ମାଲକାନଗିରି ମେଡିକାଲକୁ ଅଣାଯାଇଥିଲା। ଏମାନେ ଗରିବ ହୋଇଥିବାରୁ ସରକାରଙ୍କ ତରଫରୁ ସହାୟତା ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି।