ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଖେଳ ପଡିଆ ଠାରେ ଅନୁଷ୍ଠିତ ହେଉଥିବା ଜିଲ୍ଲା ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଆଜି ଉଦ୍ଯାପନି ଦିବସ । ଯଦୁମଣି କ୍ଲବ ଇଟାମାଟି ବନାମ ଖଣ୍ଡପଡ଼ା ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ଶେଳ ଶେଷ ସୁଧା ଉଭୟ ଦଳ ଗୋଟିଏ ଲେଖାଏଁ ଗୋଲ ଦେଇଥିଲେ । ଏହା ପରେ ପେନାଲଟିକ୍ ସଟ୍ ମରାଯାଇଥିଲା । ଏଥିରେ ମଧ୍ୟ ଉଭୟ ଦଳ ସମାନ ସ୍ଥିତିରେ ଥିଲେ ।
ଏହା ପରେ ଗୋଟିଏ ଗୋଲର ସୁଯୋଗ ଦିଆଯାଇଥିଲା । ଏଥିରେ ଯଦୁମଣି କ୍ଲବ ଇଟାମାଟି ୧-୦ ଗୋଲରେ ବିଜୟ ଲାଭ କରିଥିଲା । ଆଜିର ଖେଳରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷ ଇଂ. ଦେବାଶିଷ ପଟ୍ଟନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ନୟାଗଡ଼ ପୌରଧ୍ୟକ୍ଷା ନିରୁପମା ଖଟେଇ, କ୍ରୀଡାବିତ୍ ଆଲୋକ ଦାସ, ଅମିୟ ସାହୁ, ନୟାଗଡ଼ ମଣିଂ କ୍ଲବର ସଭାପତି ହଜରତ୍ ଅଲି ଖାଁ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ ।
ନୟାଗଡ଼ ଜିଲ୍ଲା ପାଇଁ ଏକ ଭଲ ଫୁଟବଲ ଟିମ୍ ଗଠନ କରିବା ପାଇଁ ଏହି ପ୍ରୟାସ କରାଯାଇଥିଲା ବୋଲି ମୁଖ୍ୟ ଅତିଥି ଶ୍ରୀ ପଟ୍ଟନାୟକ ବକ୍ତବ୍ୟ ରଖିଥିଲେ । ଜିଲ୍ଲାର ଆସିଥିବା ସମସ୍ତ ଭଲ ଖେଳାଳୀ ମାନଙ୍କୁ କୋଚିଂ ପ୍ରଦାନ କରାଯାଇ ଭଲ ଟିମ୍ଟିଏ ସୃଷ୍ଟି କରିବା ପାଇଁ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ଏହି ପ୍ରୟାସ ବୋଲି ବକ୍ତବ୍ୟ ରଖିଥିଲେ ।
ଆଜିର ଖେଳରେ ବେଷ୍ଟ ପ୍ଲେୟାର ଭାବେ ଇଟାମାଟିର ପ୍ରମୋଦ କୁମାର ବେହେରାଙ୍କୁ ଟ୍ରଫି ପ୍ରଦାନ କରାଯାଇଥିଲା । ସେହିପରି ଭାବେ ଖଣ୍ଡପଡାର ଗୋଲ କିପରକୁ ବେଷ୍ଟ ଗୋଲ କିପର ଭାବେ ଘୋଷଣା କରାଯାଇ ଟ୍ରଫି ପ୍ରଦାନ କରାଯାଇଥିଲା । ପରାଜିତ ଦଳକୁ ୩ ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଥିବା ବେଳେ ବିଜେତା ଦଳକୁ ୫ ହଜାର ଟଙ୍କା ଓ ଟ୍ରଫି ପ୍ରଦାନ କରାଯାଇଥିଲା ।
