ନୟାଗଡ଼,(ବାଘୁଆବାର୍ତ୍ତା): ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶା ଗସ୍ତରେ ଆସୁଛନ୍ତି । ମୋଦିଙ୍କ ସଭା ପାଇଁ ଲୋକ ଯୋଗାଡ଼ କରିବାକୁ ସରକାରୀ ପ୍ରଶାସନିକ ଅଧିକାରୀଙ୍କୁ ରାଜ୍ୟ ସରକାର ଦାୟିତ୍ୱ ଦେଇଛନ୍ତି । ଜିଲ୍ଲା ପ୍ରଶାସନ ଏନେଇ ବ୍ଲକ ପ୍ରଶାସନକୁ ଦାୟିତ୍ୱ ଦେଇଥିବା ବେଳେ ବ୍ଲକ ପ୍ରଶାସନ ପଞ୍ଚାୟତ ପିଇଓ, ଜେଇ ଓ ଅନ୍ୟାନ କର୍ମଚାରୀଙ୍କୁ ଦାୟିତ୍ୱ ବାଣ୍ଟିଛି । ମୋଦିଙ୍କ ସଭାରେ ସାମିଲ ହେବାକୁ ସରକାରୀ କର୍ମଚାରୀମାନେ ଗାଁ ଗାଁ ବୁଲି ଲୋକ ଯୋଗାଡ଼ କରୁଥିବା ଦେଖିବାକୁ ମିଳିଛି । ଏହାକୁ ନେଇ ଖୋଦ୍ ବିଜେପି କର୍ମୀ ଏବେ ଖପା ହୋଇ ବସିଛନ୍ତି । ଲୋକ ଯୋଗାଡ଼ ନାଁରେ ସେମାନଙ୍କର କିଛି ହାତଖର୍ଚ୍ଚ ଉଠିଥାନ୍ତା । ମାତ୍ର ସରକାର ଏହି ଦାୟିତ୍ୱ ପ୍ରଶାସନକୁ ଦେବା ପରେ ସେମାନେ ଚିନ୍ତା ପଡ଼ିଛନ୍ତି । କର୍ମୀଙ୍କ ଲୋକପ୍ରିୟତା ହ୍ରାସ ପାଉଥିବା ଦେଖାଯାଇଛି । ଅନ୍ୟପକ୍ଷେ, ସରକାରୀ କର୍ମଚାରୀ ରାଜନୈତିକ ସଭା ପାଇଁ ଲୋକ ଯୋଗାଡ଼ କରିବା ଏହ ନିନ୍ଦନୀୟ ବିଷୟ ବୋଲି ମତ ପ୍ରକାଶ ପାଇଛି ।
