ସାନଖେମୁଣ୍ଡି, (ବାଘୁଆବାର୍ତ୍ତା): ପାଟପୁର ଥାନା ଡେଙ୍ଗାଉତ୍ସା ମୋବାଇଲ ଦୋକାନରୁ ଚୋରି ଘଟଣାରେ ପୋଲିସ ୩ ଜଣଙ୍କୁ ଗିରଫ କରିଛି। ସେମାନଙ୍କ ଠାରୁ ୨୯ ମୋବାଇଲ ଓ ୨ ବ୍ଲୁ ଟୁଥ ହେଣ୍ଡ ଜବତ କରିଛି । ଗିରଫ ଅଭିଯୁକ୍ତମାନେ ହେଲେ କଂସମାରି ଗ୍ରାମର ଏସ ଟୁନା ଦୋରା,ସନ୍ତୋଷ ଦୋରା,ବନଜା ପ୍ରଧାନ। ସେମାନଙ୍କୁ ପୋଲିସ କୋର୍ଟ ଚାଲାଣ କରିଛି। ଗତ ୩୧.୦୧.୨୧ତାରିଖରେ ଡେଙ୍ଗାଉତ୍ସା ସ୍ଥିତ ସନ୍ତୋଷ ମୋବାଇଲ ଷ୍ଟୋରରୁ ଚୋରି ହୋଇଥିଲା । ପରେ ଦୋକାନ ମାଲିକ ସନ୍ତୋଷ ବିଷୋୟୀ ଏନେଇ ପାଟପୁର ଥାନା ଏତଲା ଦେଇଥିଲେ। ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିଲା। ଆଜି ପୋଲିସ କଂସମାରି ଗ୍ରାମର ଏସ ଟୁନା ଦୋରା,ସନ୍ତୋଷ ଦୋରା,ବନଜା ପ୍ରଧାନଙ୍କୁ ମୋବାଇଲ ଦୋକାନରୁ ଚୋରି କରିବା ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ନିକଟରୁ ୨୯ଟି ମୋବାଇଲ ପୁଲିସ ଜବତ କରିଛି। ଏ ନେଇ ଆସିକା ଏସ୍ଡିପିଓ ଉମା ଶଙ୍କର ସିଂ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ପୂର୍ବରୁ ସେମାନଙ୍କ ନାଁ ରେ ଏକାଧିକ ଅପରାଧୀକ ମାମଲା ଥିବା ପୋଲିସ କହିଛି।
