ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହରରେ ମାତିଛନ୍ତି ମୋବାଇଲ ଲୁଟେରା । ଆଜି ସକାଳୁ ୧୧ଟା ମଧ୍ୟରେ ସହରର ବିଭିନ୍ନ ସ୍ଥାନରୁ ୩ଟି ମୋବାଇଲ ଚୋରୀ ହୋଇଥିବା ଜଣାଯାଇଛି । କଲେଜ ରାସ୍ତା ପରିବା ମାର୍କେଟଠାରୁ ଜଣେ ବୃଦ୍ଧ ବ୍ୟକ୍ତିଙ୍କଠାରୁ ମୋବାଇଲ ଚୋରୀ ସମ୍ପର୍କରେ ଥାନାରେ ଅଭିଯୋଗ ହୋଇଛି । ସୂଚନାନୁସାରେ, ପିଡବ୍ଲ୍ୟୁଡି ଲେନ ନିବାସୀ ସତ୍ୟ ନାରାୟଣ ପାତ୍ର ପରିବା କିଣିବା ସମୟରେ ମୋବାଇଲ ଲୁଟର ଶୀକାର ହୋଇଥିବା ଥାନାରେ ଅଭିଯୋଗ ହୋଇଛି । କିଛି ବ୍ରାଉନସୁଗାର ନିଶାଡ଼ି ଏହି ମୋବାଇଲ ଲୁଟେରା ଟିମରେ ରହିଥିବା ଆଲୋଚନା ହେଉଛି । ଛୋଟ ଚୋରୀ ଭାବି ମୋବାଇଲ ଚୋରୀକୁ ଗୁରୁତ୍ୱ ଦିଆଯାଉନଥିବାରୁ ସାଧାରଣ ଲୋକେ ଦୁର୍ଦ୍ଦଶା ଭୋଗୁଛନ୍ତି ।
