ନୟାଗଡ଼, (ବାଘୁଆବାର୍ତ୍ତା) : ଲୋକଙ୍କ ସ୍ୱାର୍ଥ ପାଇଁ ଜାଗ୍ରତ ରହିବାକୁ କହିଲେ ମୁଖ୍ୟମନ୍ତ୍ରୀ । ଜନତା ଆମ ପ୍ରଭୂ, ସେମାନଙ୍କର ସେବା କର । ଲୋକଙ୍କ ସ୍ୱାର୍ଥ ଦୃଷ୍ଟିରୁ ଏଣିକି ବିଜେଡି ବିଧାୟକମାନେ ଦୁଇ ମାସିଆ ରିପୋର୍ଟ ଦେବେ ମୁଖ୍ୟମନ୍ତ୍ରୀଙ୍କୁ । ବିଜେଡି ବିଧାୟକମାନଙ୍କୁ ନବୀନଙ୍କ କଡ଼ା ନିର୍ଦ୍ଦେଶନାମା । ଏଥିସହିତ ବିଧାନସଭାରେ ନିୟମିତ ଉପସ୍ଥିତ ରହିବାକୁ ଗୁରୁତ୍ୱ ଦେବା ସହ ଗୃହର ସମସ୍ତ ବିତ୍ତର୍କରେ ନିୟମିତ ଭାଗ ନେବାକୁ ବିଜେଡି ବିଧାୟକଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦୁଇଦିନରୁ ଅଧିକ ଛୁଟି ନେଲେ ଆଗୁଆ ଅନୁମତି ନେବାକୁ ପଡ଼ିବ । ପ୍ରକାଶ ଥାଉକି ନବୀନ ପଟ୍ଟନାୟକ ସରକାରରେ ମନ୍ତ୍ରୀମାନେ ଏବେ ମାସିକିଆ ରିପୋର୍ଟ କାଡ଼ ଦେଉଛନ୍ତି । କେଉଁ ମନ୍ତ୍ରୀଙ୍କ କାର୍ଯ୍ୟଦକ୍ଷତା କେତେ ତାହା ନବୀନ ନିଜେ ପରଖୁଛନ୍ତି । ଏବେ ପାଳି ପଡ଼ିଛି ବିଜେଡି ବିଧାୟକ ମାନଙ୍କ ଉପରେ । ମୁଖ୍ୟମନ୍ତ୍ରୀ ଆଜି ବିଜେଡି ବିଧାୟକମାନଙ୍କୁ ସତର୍କ କରାଇ ଦେଇଛନ୍ତି ।
