ନୟାଗଡ଼,(ବାଘୁଆବାର୍ତ୍ତା): କିଛିଦିନ ତଳେ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଦୁଇ ବ୍ୟକ୍ତିଙ୍କ ପରିବାରକୁ ଭେଟି ଆଜି ନୟାଗଡ଼ ବିଧାୟକ ତଥା କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ସମବେଦନା ଜଣାଇଛନ୍ତି । ସୂଚନାନୁସାରେ, ନୟାଗଡ଼-ଖଣ୍ଡପଡ଼ା ରାଜ୍ୟ ରାଜପଥର ବାଲୁଗାଁ ପୋତାଶଙ୍ଖଠାରେ ଗତ ମାସ ୨୮ ତାରିଖ ସନ୍ଧ୍ୟା ସମୟରେ ଏକ ମର୍ମନ୍ତୁତ ସଡ଼କ ଦୁର୍ଘଟଣା ଘଟିଥିଲା । ଯେଉଁଥିରେ କି ଦୁର୍ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ସେହି ରାତିରେ ଆଉ ଜଣେ ବ୍ୟକ୍ତି ଚିକିତ୍ସାଳୟରେ ଚିକିତ୍ସିତ ହେଉଥିବା ବେଳେ ମୃତ୍ୟୁ ହୋଇଥିଲା । ଦୁଇଟି ମୃତ ଶରୀରକୁ ନେଇ ଅ ଳବାସୀ ନୟାଗଡ଼-ଖଣ୍ଡପଡ଼ା ରାସ୍ତା ଅବରୋଧ କରିଥିଲେ । ଯାହାକୁ ନେଇ ପ୍ରଶାସନର ହସ୍ତକ୍ଷେପ ପରେ ରାସ୍ତା ଅବରୋଧ ହଟିଥିଲା । ଆଜି ସ୍ଥାନୀୟ ବିଧାୟକ ତଥା ମନ୍ତ୍ରୀ ଡ଼ ସାହୁ ଦୁର୍ଘଟଣାର ଶିକାର ହୋଇଥିବା କ୍ରୀଦାଶପୁରର ଗାଁର ମେଘା ସେଠୀଙ୍କ ଘରକୁ ଯାଇ ସମବେଦନା ଜଣାଇବା ସହିତ ଆର୍ଥିକ ସହୟତା ପ୍ରଦାନ କରିଛନ୍ତି । ସେହିଭଳି ଭାବେ ଶରଧାପୁର ଗାଁର ଶତ୍ରୁଘ୍ନ ସାହୁଙ୍କ ଘରକୁ ଯାଇ ତାଙ୍କ ପରିବାର ସହିତ ଆଲୋଚନା କରି ସାନ୍ତନା ଜଣାଇବା ସହିତ ଉଭୟ ଦୁର୍ଘଟଣାଗ୍ରସ୍ତ ପରିବାରକୁ ୧ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି ।
