ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ଆଜି ରାତି ଅଧିଆ ଭିସି କରିଛନ୍ତି । ଦଳୀୟ କର୍ମକର୍ତ୍ତା ଏବଂ ସଂଗଠକମାନଙ୍କ ମନ୍ତ୍ରୀ ମନ୍ତ୍ରୀ ଦୀର୍ଘ ସମୟ ଆଲୋଚନା କରିଛନ୍ତି । ଏହି ରାତି ଅଧିଆ ଭିସି ଆଲୋଚନାରେ ଏକ ସୁଉଦ୍ଦେଶ୍ୟ ରହିଥିବା ଏବଂ ମନ୍ତ୍ରୀଙ୍କ ବିଶାଳ ହୃଦୟର ପରାକାଷ୍ଠା ରହିଥିବା ଜଣାଯାଇଛି । ସୂଚନାନୁସାରେ, ମାଧ୍ୟମିକ ଶିକ୍ଷା ପରିଷଦ ଦ୍ୱାରା ଆୟୋଜିତ ମାଟ୍ରିକ ପରୀକ୍ଷା ଫଳ ନିକଟରେ ପ୍ରକାଶ ପାଇଛି । ଚଳିତ ବର୍ଷ ପରୀକ୍ଷା ଫଳ ଗତବର୍ଷ ଠାରୁ ବେଶ ଆଗରେ ରହିଛି । ଜିଲ୍ଲାରେ ଚଳିତ ବର୍ଷ ୮୭ ପ୍ରତିଶତ ଫଳାଫଳ ହୋଇଥିବା ବେଳେ ଜିଲ୍ଲା ରାଜ୍ୟର ଚତୁର୍ଥ ସ୍ଥାନରେ ରହିଛି । ଯାହାକୁ ନେଇ ମନ୍ତ୍ରୀ ମେଧାବୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିବା ପାଇଁ ଚିନ୍ତା କରିଛନ୍ତି । ଏଣୁ ଆଗାମୀ କ୍ରାନ୍ତି ଦିବସଠାରୁ ସ୍ୱାଧିନତା ଦିବସ ପର୍ଯ୍ୟନ୍ତ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି । ଏହା ମଧ୍ୟରେ ଜିଲ୍ଲାର ମେଧାବୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧନା ଦିଆଯିବା ସହ ରକ୍ତଦାନ ଶିବିର, ପ୍ଲାଜମା ଦାନ କାର୍ଯ୍ୟକ୍ରମ ଆୟୋଜନ କରାଯିବା ନେଇ ଆଜି ମନ୍ତ୍ରୀ ଦଳୀୟ କର୍ମକର୍ତ୍ତା ଏବଂ ସଂଗଠକମାନଙ୍କ ସହ ମନ୍ତ୍ରୀ ଭିସି ମାଧ୍ୟମରେ ଆଲୋଚନା କରିଛନ୍ତି । ଏହି କାର୍ଯ୍ୟକ୍ରମ ଗୁଡ଼ିକରେ ଯୁବ ଏବଂ ଛାତ୍ର ସଂଗଠନ ମୁଖ୍ୟ ଭୂମିକା ନିର୍ବାହ କରିବାକୁ ମନ୍ତ୍ରୀ ପରାମର୍ଶ ଦେଇଛନ୍ତି ।
