ନୟାଗଡ଼,(ବାଘୁଆବାର୍ତ୍ତା): କାଉଡ଼ିଗୁଡା ଗାଁରେ ଦେଖାଦେଇଛି ଅଘଟଣ । କୂଅରେ ଭାସୁଥିବା ଦୁଃଖୀ ପରିବାରର ଦୁଇଟି ମୃତ ଶରୀର । ଖବର ପାଇଁ ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ôଚ କୂଅରୁ ମୃତ ଶରୀର ଉଦ୍ଧାର କରି ତଦନ୍ତ ଆରମ୍ଭ କରିଥିବା ଜଣାପଡିଛି । ମିଳିଥିବା ସୂଚନାନୁସାରେ, ମାଲକାନଗିରି ଜିଲ୍ଲା ମାଥିଲିଥାନା ଅନ୍ତର୍ଗତ କାଉଡ଼ିଗୁଡା ଗାଁରେ ହରି କାଉଡ଼ି, ପତ୍ନୀ ମୋତି କାଉଡ଼ି ଓ ୪ବର୍ଷର ଝିଅ ରଜନୀ କାଉଡିକୁ ନେଇ ଛୋଟିଆ ପରିବାର ବସବାସ କରୁଥିଲେ । ତେବେ ଗତକାଲି ରାତିରେ ଏକ ବିବାହ ଭୋଜିରେ ଯୋଗ ଦେଇ ଆସି ଘରେ ଶୋଇଥିଲେ । ସକାଳ ପାଇଲା ବେଳେକୁ ୪ବର୍ଷର ଝିଅ ରଜନୀ ଓ ପତ୍ନୀ ମୋତି ନଥିଲେ । ମା ଝିଅଙ୍କୁ ଖୋଜା ଖୋଜି କଲେ, ଗାଁରେ ହୁରୀ ପଡିଗଲା । ଲୋକ ରୁଣ୍ଢ ହୋଇଗଲେ ତଥାପି ସୁରାଗ ମିଳିନଥିଲା ଉଭୟଙ୍କର । ତେବେ କୂଅ ପୋଖରୀ ଖୋଜାଖୋଜି କରିବା ପରେ ଏକ ପରିତ୍ୟକ୍ତା କୂଅରେ ଦୁଇଟି ଶବ ଭାସୁଥିବା ଦେଖି ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ କର୍ମଚାରୀ ଆସି କୂଅରୁ ଦୁଇଟି ମୃତ ଶରୀର ଉଦ୍ଧାର କରିଥିଲା । ଯେଉଁ ମୃତ ଶରୀର ଦୁଇଟି ଉଦ୍ଧାର ହେଲା ସେ’ ଆଉ କାହାର ନୁହେଁ ଖୋଦ୍ ୪ବର୍ଷର ଝିଅ ରଜନୀ ଓ ମା ମୋତିର ବୋଲି ଜଣାପଡିଲା । କୂଅକୁ କେମିତା ଗଲା ଉଭୟଙ୍କ ଶରୀର । ଏହାର ଖବର ପାଇ ମାଥିଲି ପୁଲିସ ଘଟଣାସ୍ଥଳରେ ପହଞ୍ôଚ ଶବ ଦୁଇଟିକୁ ଯବତ କରି ପ୍ରାଥମିକ ତଦନ୍ତ ଆରମ୍ଭ କରିଥିବା ନେଇ ମାଥିଲି ଥାନା ଅଧିକାରୀ ରଘୁନାଥ ମାଝି ସୂଚନା ଦେଇଛନ୍ତି । ଉଭୟଙ୍କ ମୃତ ଶରୀର ଦେଖି ଗାଁରେ ଶୋକାକୁଳ ପରିସ୍ଥିତି ଦେଖା ଦେଇଛି ।
