ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ କରୋନା ମୁକାବିଲା ପାଇଁ କଟକଣା କଡ଼ାକଡ଼ି ଥିବା ବେଳେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଏପରିସ୍ଥଳରେ ଆଜି ଓଡ଼ଗାଁରେ ମାସ୍କ ନପିନ୍ଧି ଆଜି ୨୦ ଜଣ ତଣ୍ଡ ଗଣିଛନ୍ତି । ତହସିଲଦାର୍ ବିଜୟିତା ସାମନ୍ତସିଂହାରଙ୍କ ଉପସ୍ଥିତିରେ ପୁଲିସ ଓ ଏନ୍ଏସି କର୍ମଚାରୀ ମାସ୍କ ପିନ୍ଧି ନଥିବା ବାଇକ ଚାଳକ, ଟ୍ରକ ଚାଳକଙ୍କଠାରୁ ଜୋରିମାନା ଆଦାୟ କରିଛନ୍ତି । ପ୍ରତ୍ୟେକ ବ୍ୟକ୍ତିଙ୍କଠାରୁ ୨ ଶହ ଟଙ୍କା ଜୋରିମାନା ଆଦାୟ କରାଯିବା ସହ ସେମାନଙ୍କୁ ମାସ୍କ ପିନ୍ଧାଇ ଛଡ଼ା ଯାଇଛି ।
