ନୟାଗଡ଼,(ବାଘୁଆବାର୍ତ୍ତା): କରୋନା ସମୟରେ ଆଡ଼ମ୍ବର ବାହାଘର କରିବାକୁ ଗୁରୁତ୍ୱ ଦେଇ ନାହାନ୍ତି ପ୍ରମୋଦ । ଏପରିକି ଭୋଜି ଭାତଠାରୁ ଦୂରେଇ ବୃଦ୍ଧାଶ୍ରମ ଅନ୍ତେବାସୀଙ୍କ ଦୁଃଖ ବୁଝିଛନ୍ତି ପ୍ରମୋଦ । ନୟାଗଡ଼ ସଦର ବ୍ଲକ ଅନ୍ତର୍ଗତ ଗଦାଧରପ୍ରସାଦ ପଞ୍ଚାୟତ ହରିହରପୁର ଗ୍ରାମର ଯୁବ ସମାଜସେବୀ ତଥା ବ୍ୟବସାୟୀ ପ୍ରମୋଦ କୁମାର ସାହୁ ଆଜି ବିବାହ ବନ୍ଧନରେ ବାନ୍ଧି ହୋଇଛନ୍ତି । ବିଚ୍ଛେଦ ସାହୁଙ୍କ ପୁତ୍ର ପ୍ରମୋଦ ଛାତ୍ର ଜୀବନରୁ ସମାଜର ଉନ୍ନତୀ ପାଇଁ ସଦାସର୍ବଦା ଚିନ୍ତିତ ଥିବା ବେଳେ ଆଜି ତାଙ୍କର ବିହାହରେ ମଧ୍ୟ ସେ ଅନ୍ୟ ପାଇଁ ଚିନ୍ତା କରିଛନ୍ତି । ଦିଘିର ନିବାସୀ ପ୍ରସନ୍ନ ସାହୁଙ୍କୁ କନ୍ୟା ଶ୍ରୀମୟୀ ସାହୁଙ୍କୁ ସେ ଆଜି ବିବାହ କରିବା ପରେ ସେ ନୟାଗଡ଼ ଲେଖନପୁରଠାରେ ଅବସ୍ଥିତ ବୃଦ୍ଧାଶ୍ରମରେ ପହଞ୍ଚିଥିଲେ । ସେଠାରେ ସେ ବୃଦ୍ଧାଶ୍ରମ ଅନ୍ତେବାସୀ ପାଇଁ ଲୁଗାପଟା ସହ ୧୦ ହଜାର ଟଙ୍କା ସହାୟତା ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ ବୃଦ୍ଧାଶ୍ରମ ପରିଚାଳକ ଅରୁଣ ମହାନ୍ତି, ଧିରେନ୍ଦ୍ର ପଟ୍ଟନାୟକ, ପ୍ରବୀର ପୃଷ୍ଟି, ପ୍ରସନ୍ନ କୁମାର ବସନ୍ତିଆ, ବିଜୁ ଛାତ୍ର ଜନତା ଦଳ ସଭାପତି ନୀଳମାଧବ ପଣ୍ଡା ପ୍ରମଖ ଉପସ୍ଥିତ ଥିଲେ ।
