ଇସଲାମାବାଦ, (ବାଘୁଆବାର୍ତ୍ତା): ପାକିସ୍ତାନର ପ୍ରଧାନମନ୍ତ୍ରୀ ହେବେ ଅଣ୍ଡରୱାର୍ଲ୍ଡ ଡନ୍ ଦାଉଦ୍ ଇବ୍ରାହିମର ଗର୍ଲଫ୍ରେଣ୍ଡ । ଗର୍ଲଫ୍ରେଣ୍ଡ ମହୱିଶ୍ ହୟାତ ପ୍ରଧାନମନ୍ତ୍ରୀ ପଦରେ ବସିବାକୁ ଦିନ ରାତି ସ୍ୱପ୍ନ ଦେଖୁଛନ୍ତି । ଏକ ସାକ୍ଷାତ୍କାରରେ ସେ ନିଜର ଏହି ଇଚ୍ଛା ପ୍ରକାଶ କରି କହିଛନ୍ତି ଇମ୍ରାନ୍ ଖାନ୍ ତାଙ୍କୁ ପ୍ରଭାବିତ କରିଛନ୍ତି । ଆଉ ଏଥିପାଇଁ ସେ ଏହି ପଦ ପାଇଁ ମନ ବଳାଇଛନ୍ତି । ଏହାସହ ମହୱିଶ ଏହି କଥା ମଧ୍ୟ ଦାବି କରି କହିଛନ୍ତି କି ଯେବେ ଠାରୁ ଇମ୍ରାନ୍ ଖାନ୍ ଶାସନକୁ ଆସିଛନ୍ତି , ପାକିସ୍ତାନର ସ୍ଥିତି ବହୁତ ଭଲ ସ୍ତରକୁ ଆସିଛି । ହେଲେ ଏହି କଥା ଅଲଗା ଯେ, ପାକ୍ର ଅଧିକାଂଶ ଲୋକ ଇମ୍ରାନଙ୍କ ଅସଫଳତାକୁ ନେଇ ଅସନ୍ତୁଷ୍ଟ ଅଛନ୍ତି । ଟ୍ରିବ୍ୟୁନ୍ର ରିପୋର୍ଟ ଅନୁସାରେ , ଏକସ୍ଥାନୀୟ ମିଡ଼ିଆ ଆଉଟ୍ଲେଟ୍କୁ ଦେଇଥିବା ସାକ୍ଷାତ୍କାରରେ ଦାଉଦ୍ ଇବ୍ରାହିମ୍ର ପ୍ରେମିକା ମହୱିଶ ହୟାତ ଇମ୍ରାନ ଖାନଙ୍କୁ ନେଇ କହିଛନ୍ତି କି ଯଦି କ୍ରିକେଟର ପ୍ରଧାନମନ୍ତ୍ରୀ ହୋଇ ପାରନ୍ତି , ତ ଅଭିନେତ୍ରୀ ମଧ୍ୟ ପିଏମ୍ ହୋଇ ପାରିବେ । ସେ କହିଛନ୍ତି ସେ ଦେଶରେ ପରିବର୍ତ୍ତନ ଆଣିବା ପାଇଁ ଖୁବ୍ ଶୀଘ୍ର ରାଜନୀତିରେ ପାଦ ଦେବାକୁ ଚାହାନ୍ତି , କିନ୍ତୁ ସେ ସେଠାରେ ରହିବାକୁ ଚାହାନ୍ତି ନାହିଁ । ମହୱିଶ୍ ଆହୁରି ମଧ୍ୟ କହିଛନ୍ତି କି ସେ ଇମ୍ରାନ ଖାନ୍ଙ୍କର ପାର୍ଟି ପାକିସ୍ତାନ ତହରିକ୍-ଏ—ଇନସାଫ୍ (ପିଟିଆଇ) ଓ ତାଙ୍କର ରାଜନୀତିରେ ପ୍ରେରିତ ହୋଇଛନ୍ତି । କାରଣ ତାଙ୍କର ଶାସନକୁ ଆସିବା ପରେ ସମାଜ ଓ ଲୋକଙ୍କ ବିଚାରରେ ସକରାତ୍ମକ ପରିବର୍ତ୍ତନ ଆସିଛି ।
ପ୍ରଧାନମନ୍ତ୍ରୀ ହେବାକୁ ଚାହାନ୍ତି ଅଣ୍ଡରୱାର୍ଲ୍ଡ ଡନ ଦାଉଦ ଇବ୍ରାହିମର ପ୍ରେମିକା ମହୱିଶ ହୟାତ
