ମହାନଦୀରେ ବାପା-ପୁଅ-ଝିଅ ଭାସିଯିବା ଘଟଣା : ୧୫ ଘଣ୍ଟାର ଅପରେସନ ପରେ ଝିଅର ମୃତଦେହ ଉଦ୍ଧାର

ସମ୍ବଲପୁର, (ବାଘୁଆବାର୍ତ୍ତା): ମିଳିଲା ଝିଅର ମୃତଦେହ । ସମ୍ବଲପୁର ମହାନଦୀର ଦଳେଇପଡ଼ା ଘାଟରେ ଗାଧୋଇବା ବେଳେ ବାପା, ପୁଅ, ଝିଅ ଭାସିଯାଇଥିଲେ। ଶେଷରେ ୧୫ ଘଣ୍ଟାର ଅପରେସନ ପରେ ଝିଅର ମୃତଦେହ ଉଦ୍ଧାର କରାଯାଇଛି । ସୂଚନାନୁସାରେ, ସୋମବାର ପେନସନ ପଡାର ମହମ୍ମଦ ଅଲତାଫଙ୍କ ସହ ପୁଅ ଆଫତାବ ଓ ଝିଅ ରୁକସାନା ବେଗମ ଗାଧୋଇବାକୁ ଯାଇଥିବାବେଳେ ଭାସିଯାଇଥିଲେ । ପ୍ରଥମେ ଗାଧୋଇବା ବେଳେ ଭାଇ ଓ ଭଉଣୀ ଭାସିଯାଇଥିଲେ । ନିଜ ପୁଅଝିଅଙ୍କୁ ବୁଡିବାର ଦେଖି ବାପା ସେମାନଙ୍କୁ ଉଦ୍ଧାର କରିବାକୁ ନଦୀକୁ ଡେଇଁଥିଲେ । ତେବେ ସେ ମଧ୍ୟରେ ପାଣିରେ ଭାସି ଯାଇଥିଲେ । ତିନିଜଣଙ୍କର ପତ୍ତା ମିଳିନଥିଲା । ବହୁ ଖୋଜା ଖୋଜି ପରେ ବାପା, ପୁଅଙ୍କର ମୃତଦେହ ଉଦ୍ଧାର କରାଯାଇଥିଲା । ତେବେ ଝିଅର ପତ୍ତା ମିଳନଥିଲା । ରାତି ଅଧିକ ହେବାରୁ ଉଦ୍ଧାର କାର୍ୟ୍ୟ ବନ୍ଦ ରହିଥିଲା । ମଙ୍ଗଳବାର ପୁଣି ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ୟ୍ୟ ଆରମ୍ଭ କରିଥିଲା । ଶେଷରେ ଝିଅର ମୃତଦେହ ଉଦ୍ଧାର କରାଯାଇଥିଲା ସୂଚନା ମିଳିଛି ।