ତହସିଲଦାରଙ୍କୁ ପଥର ମାଫିଆଙ୍କ ଆକ୍ରମଣ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଚାନ୍ଦପୁର ନିକଟ ବେଣ୍ଟ ଛକ ନିକଟରେ ଟାଙ୍ଗି ତହସିଲଦାରଙ୍କୁ ଖଣି ମାଲିକ ମାଡ ମାରିଥିବା ଅଭିଯୋଗ ହୋଇଛି। ତହସିଲଦାର ଅଶ୍ୱିନ ଦାଶ ଏନେଇ ଚାନ୍ଦପୁର ଥାନାରେ ଏତଲା ଦେବାକୁ ପହଂଚିଛନ୍ତି। ତହସିଲଦାରଙ୍କ ଗାଡ଼ି ଉପରକୁ ପ୍ରଥମେ ଆକ୍ରମଣ କରାଯାଇଛି। ପରେ ତାଙ୍କୁ ମାଡ଼ ମରା ଯାଇଥିବା ଅଭିଯୋଗ ହୋଇଛି । ଗାଡ଼ିଟି ଭାଙ୍ଗିରୁଜି ଯାଇଥିବା ବେଳେ ଡ୍ରାଇଭର, ଜଣେ ଆରଆଇ ଓ ଅନ୍ୟ ଜଣେ କର୍ମଚାରୀ ଆହତ ହୋଇଛନ୍ତି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ପରିସ୍ଥିତି ସରଗରମ ରହିଥିବା ବେଳେ, ପଥର ମାଫିଆଙ୍କୁ ଗିରଫ ପାଇଁ ଦାବି ହୋଇଛି ।