ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ଶାଖା ଆହ୍ୱାନ କ୍ରମେ ନୟାଗଡ଼ ରାଷ୍ଟ୍ରୀୟ ମଜଦୁର କଂଗ୍ରେସ ପକ୍ଷରୁୁ ଜିଲ୍ଲା ଶ୍ରମ କାର୍ଯ୍ୟାଳାୟ ଘେରାଉ ଓ ବିକ୍ଷୋଭ କରାଯାଇଛି । ନୟାଗଡ଼ ଜିଲ୍ଲା ରାଷ୍ଟ୍ରୀୟ ମଜଦୁର କଂଗ୍ରେସ ଜିଲ୍ଲା ସଭାପତି ସତ୍ୟବ୍ରତ ନାୟକଙ୍କ ନେତୃତ୍ୱରେ ନୟାଗଡ଼ ଜିଲ୍ଲାର ବିଭିନ୍ନ ଅଂଚଳରୁ ଆସିଥିବା ନିର୍ମାଣ ଶ୍ରମିକମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିସହିତ ୧୧ ଦଫା ସମ୍ବଳିତ ଏକ ସ୍ମାରକପତ୍ର ଶ୍ରମ ଅଧିକାରୀଙ୍କ ଜରିଆରେ ରାଜ୍ୟପାଳଙ୍କ ଉଦ୍ଦ୍ୟେଶରେ ପ୍ରଦାନ କରିଥିବା ଜଣାଯାଇଛି । ଏଥିସହିତ ଅନ୍ୟ ଏକ ଦାବିପତ୍ର ଉପଜିଲ୍ଲାପାଳଙ୍କ ଜରିଆରେ ଜିଲ୍ଲାପାଳଙ୍କୁ ପ୍ରଦାନ କରିଥିବା ସୂଚନା ମିଳିଛି । ଏହି ବିକ୍ଷୋଭ କାର୍ଯ୍ୟକ୍ରମରେ ବରିଷ୍ଠ କଂଗ୍ରେସ ନେତା ମନୋଜ ସାହୁ, ହୁସେନ ଖାଁ, ସୁନ୍ଦରଗଡ଼ ରାଜ୍ୟ ଯୁୂବ ଆଇଏନ୍ଟିୟୁସି ଉପସଭାପତି ଅଜୟ କୁମାର ପାଇକରାୟ, ନୟାଗଡ଼ ଜିଲ୍ଲା ଯୁବ ଆଇଏନ୍ଟିୟୁସି. କାର୍ଯ୍ୟ ସଭାପତି ମିର୍ ଅବୁବେକର ସିଦିକ୍, ସାଧାରଣ ସଂପାଦକ ପୂର୍ଣ୍ଣଚନ୍ଦ୍ର ପ୍ରଧାନ, ଉପସଭାପତି ବିମଳ ଦାସ, ସୁରେନ୍ଦ୍ର ମହାପାତ୍ର, ବାଦଲ କୁମାର ପ୍ରଧାନ, ଅଶୋକ କୁମାର ନାୟକ, ଝୁନୁ ଦେଇ, ଅମୂଲି ପ୍ରଧାନ, କମଳା ଦାସ, ଦିନସ ସାହୁ ପ୍ରମୁଖ ଶତାଧିକ ନିର୍ମାଣ ଶ୍ରମିକ ଯୋଗ ଦେଇ ବିକ୍ଷୋଭ ପ୍ରଦର୍ଶନ କରିଥିଲେ ।
