ଭୁବନେଶ୍ୱର,(ବାଘୁଆବାର୍ତ୍ତା): ପାସେପାର୍ଟର ତୁରନ୍ତ ଯାଂଚ କରିବା ନିମନ୍ତେ ଓଡ଼ିଶା ପୁଲିସ ୫-ଟି କାର୍ଯ୍ୟକ୍ରମକୁ ଆଧାର କରି ‘ଏମ୍-ପୋଲିସ’ ମୋବାଇଲ ଆପ୍ଲିକେସନ ବ୍ୟବସ୍ଥା ଆରମ୍ଭ ହୋଇଛି । ଥାନାରେ ହେଉଥିବା ପାସପୋର୍ଟ ଭେରିଫିକେସନ ବ୍ୟବସ୍ଥା ଏବେ ଖୁବ ସହଜ ହେବ । ପାସପୋର୍ଟ ବ୍ୟବସ୍ଥାକୁ ସ୍ୱଚ୍ଛ ଏବଂ ସମୟ ଉପଯୋଗୀ କରିବା ନିମନ୍ତେ ଏହା ଏକ ମହତ ପଦକ୍ଷେପ । ଏହି ଯୋଜନାରେ ରାଜ୍ୟର ୫୫୩ଟି ପୁଲିସ ଷ୍ଟେସନକୁ ଟାବଲେଟ ପ୍ରଦାନ କରାଯିବ । ପ୍ରଥମ ପର୍ଯ୍ୟାୟରେ ଆଜି ୧୦୦ଟି ଥାନାକୁ ଟାବଲେଟ୍ ପ୍ରଦାନ କରାଯାଇଥିବା ବେଳେ ମାର୍ଚ୍ଚ ୨୫ତାରିଖରେ ଅନ୍ୟ ଥାନା ଗୁଡ଼ିକୁ ଟାବଲେଟ୍ ପ୍ରଦାନ କରାଯିବ । ପୂର୍ବରୁ ପାସପୋର୍ଟ ଭେରିଫିକେସନ୍ ପାଇଁ ଡାକ ଯୋଗେ ଜିଲ୍ଲା ପୁଲିସ ମୁଖ୍ୟ କାର୍ଯ୍ୟାଳୟ, ଡିସିପିଙ୍କ କାର୍ଯ୍ୟାଳୟରେ ଥିବା ପାସପୋର୍ଟ ସେକ୍ସନକୁ ଆସୁଥିଲା । ସେଠାରୁ ପୁଣି ଥାନାକୁ ଯାଉଥିଲା । ଏହି ‘ଏମ-ପୋଲିସ’ ମୋବାଇଲ ଆପ୍ଲିକେସନ ବ୍ୟବସ୍ଥା ପରେ ସାଧାରଣ ଲୋକଙ୍କର କୌଣସି ଅଭିଯୋଗ ରହିବ ନାହିଁ । ଆବେଦନକାରୀ ବିବରଣୀ ପୁଲିସ ଅଧରକାରୀଙ୍କ ପାଖରେ ପହଞ୍ôଚବା ପରେ ଟାବଲେଟ୍ ଜରିଆରେ ସଂପୃକ୍ତ ଅଧିକାରୀ ଭେରିଫିକେସନ ରିପୋର୍ଟ ପ୍ରଦାନ କରିବେ । ଯାହାଫଳରେ ଲୋକମାନେ ପାସପୋର୍ଟ ପାଇବାରେ ସକ୍ଷମ ହୋଇପାରିବ ବୋଲି ରାଜ୍ୟ ପୁଲିସ ମଖ୍ୟାଳୟରୁ ସୂଚନା ମିଳିଛି ।
