ନୟାଗଡ଼,(ବାଘୁଆବାର୍ତ୍ତା) : ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ନୂଆଗାଁ ଥାନା ସଂପଡା ଜଙ୍ଗଲରେ ଜଣେ ଶିକ୍ଷକଙ୍କୁ ଆକ୍ରମଣ କରି ଟଙ୍କା, ମୋବାଇଲ୍ ଆଦି ଛଡାଇ ନେଇଥିବା ଅଭିଯୋଗ ହୋଇଛି । ସଂପଡ଼ା ଉଚ୍ଚ ବିଦ୍ୟାଳୟର ଶିକ୍ଷକ ହୃଷିକେଶ ପ୍ରଧାନ ନିଜ ବାଇକ୍ ଯୋଗେ ମହିପୁରରୁ ସଂପଡ଼ା ଫେରୁଥିଲେ । ତିନିଜଣ ଦୁବୃର୍ତ ତାଙ୍କୁ ପିଛା କରି ସଂପଡ଼ା ଜଙ୍ଗଲ ନିକଟବର୍ତ୍ତୀ ଟାଙ୍ଗିରି ମୁଣ୍ଡିଆଠାରେ ହୃଷିକେଶ ଯାଉଥିବା ବାଇକ୍କୁ ପଛପଟୁ ଧକ୍କା ଦେଇ ତାଙ୍କଠାରୁ ୪ ହଜାର ଟଙ୍କା, ମୋବାଇଲ୍ ଫୋନ୍ ଲୁଟ କରିଥିବା ଅଭିଯୋଗ ହୋଇଛି ।
