ଭୁବନେଶ୍ୱର (ବାଘୁଆବାର୍ତ୍ତା): ରାଜ୍ୟରେ ଦିନକୁ ଦିନ କରୋନା ସଂକ୍ରମଣ ବୃଦ୍ଧି ପାଉଛି । ଗତ କିଛିଦିନ ଧରି କରୋନାର ସଂଖ୍ୟା କମିଥିଲେ ମଧ୍ୟ ଏହାକୁ ରୋକିବା ପାଇଁ ରାଜ୍ୟ ସରକାର ବିଭିନ୍ନ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଟିକା କରଣ କାର୍ଯ୍ୟକ୍ରମ ଠାରୁ ଆରମ୍ଭ କରି କଣ୍ଟେନମେଣ୍ଟ, ମାଇକ୍ରୋକଣ୍ଟେନମେଣ୍ଟ ବ୍ୟବସ୍ଥା କରୁଛନ୍ତି । ଏଥି ସହିତ ଟେଷ୍ଟିଂ ସଂଖ୍ୟା ବୃଦ୍ଧି କରାଯାଇଛି । ତଥାପି କରୋନା ଥମିବାର ନାଁ ନେଉନି । କରୋନା ରୋକିବା ପାଇଁ ଏକମାତ୍ର ବିକଳ୍ପ ଲକଡାଉନ ଓ ସଟଡାଉନ । ଲକଡାଉନ ଦ୍ୱାରା ସଂକ୍ରମଣ ସଂଖ୍ୟା କମିବାରେ ଲାଗିଛି । ରାଜ୍ୟ ସରକାର ଜୁନ ୧ରୁ ୧୭ ଜୁନ ପର୍ଯ୍ୟନ୍ତ ଲକଡାଉନ ଅବଧିକୁ ବୃଦ୍ଧି କରିଛନ୍ତି । ନୂଆପଡା, ସୁନ୍ଦରଗଡ଼ ଓ ଗଜପତି ଜିଲ୍ଲାରେ ଲକଡାଉନ୍ କୋହଳ କରାଯିବ । ସେହିପରି ଶନିବାର ଓ ରବିବାର ସଟଡାଉନ୍ ଜାରି ରହିବ ବୋଲି ସୂଚନା ମିଳିଛି ।
