ଭୁବନେଶ୍ୱର, (ବାଘୁଆବାର୍ତ୍ତା): ଇନ୍ଦିରାଗାନ୍ଧୀ ପାର୍କ(ଆଇଜି) ନିକଟରେ ଆଜି ଏକ ହାଇ ଡ୍ରାମା ଦେଖିବାକୁ ମିଳିଛି । ଜଣେ ଯୁବତୀ ସେଠାରେ ତା’ର ପ୍ରେମିକ କହୁଛି, ଭଲ ପାଇଛୁ ମାନେ ବାହା ହେବୁ । ଉଭୟ ପ୍ରେମୀ ଯୁଗଳ ମଧ୍ୟ କଥା କଟାକଟିକୁ ନେଇ ବି ହାତାହାତି ହୋଇଥିବା ଭଳି ଦୃଶ୍ୟ ଦେଖିବାକୁ ମିଳିଛି । ଖବର ପାଇ ଘଟଣାସ୍ଥଳରେ ପୁଲିସ ପହଞ୍ଚି ଉଭୟ ପ୍ରେମୀ ଯୁଗଳକୁ ନେଇ ପଚରାଉଚରା କରୁଛି । ସୂଚନାନୁସାରେ, ରାଉଲକେଲା ଅଞ୍ଚଳର ରଂଜିତ୍ ନାୟକ ଭୁବନେଶ୍ୱର କଳିଙ୍ଗ ବିହାର ଅଞ୍ଚଳର ଯୁବତୀ ରୋଜାଲିନ ଗତବର୍ଷ ଅକ୍ଟୋବର ମାସରୁ ଉଭୟ ଉଭୟଙ୍କୁ ଭଲ ପାଇବସିଥିଲେ । ଭଲ ପାଇବା ଆଗକୁ ବଢିଥିଲା ଯେ, ଉଭୟଙ୍କ ମଧ୍ୟରେ ଲିଭ୍ ଇନ୍ ରିଲେସନସିପରେ ଥିଲେ । ରଂଜିତ୍ ପ୍ରେମିକା ରୋଜାଲିନକୁ ବିବାହର ପ୍ରତିଶୃତି ଦେଇ ବାରମ୍ବାର ହୋଟେଲ୍ ନୋ ରାତି କଟାଇବା ସହ ଶାରୀରିକ ସଂପର୍କ ରଖିଥିଲା । ପରେ ପ୍ରେମିକା ରୋଜାଲିନ୍ ପ୍ରେମିକ ରଂଜିତ ଘରକୁ ଯାଇ ବାରମ୍ବାର ହତାଶ ହୋଇଥିଲେ । ଫୋନ କରୁଥିଲେ ମଧ୍ୟ ପ୍ରେମିକାର ଫୋନ୍ କାଟି ଦେଉଥିଲା ପ୍ରେମିକ ରଂଜିତ୍ । ଶେଷରେ ରୋଜାଲିନ୍ ଅନ୍ୟ ନମ୍ବରରୁ ଫୋନ୍ କରି ଅନ୍ୟର ପରିଚୟ ଦେଇ ପ୍ରେମିକ ରଂଜିତକୁ ଆଜି ଆଇଜି ପାର୍କ ନିକଟକୁ ଡାକିଥିଲା । ଆଜି ପାର୍କ ନିକଟରେ ରଂଜିତ୍ ପହଞ୍ଚିବା ପରେ ଆରମ୍ଭ ହୋଇଥିଲା ପ୍ରେମର ହାଇ ଡ୍ରାମା । ଭଲ ପାଇଛୁ ମାନେ ଆଜି, ଏଇଠି ବାହା ହେବୁ, ଏଭଳି ଜିଦ୍ ଧରି ବସିଥିଲେ ପ୍ରେମିକା ରୋଜାଲିନ୍ । ଏହାକୁ କିନ୍ତୁ ପ୍ରେମିକ ରଂଜିତ୍ ମାନିବାକୁ ନାରାଜ୍ ଶେଷରେ ସେଠାରୁ ଖସି ଯିବାକୁ ବସିଥିବା ବେଳେ ଉଭୟଙ୍କ ମଧ୍ୟରେ ହାତାହାତି ଭଳି ପରିସ୍ଥିତ ସୃଷ୍ଟି ହୋଇଥିଲା । ଖବର ପାଇ କ୍ୟାପିଟାଲ ପୁଲିସ୍ ଉଭୟ ପ୍ରେମୀ ଯୁଗଳକୁ ଥାନାକୁ ନେଇଥିବା ଜଣାପଡିଛି ।
