ଶଗଡ଼ଘାଟ, (ବାଘୁଆବାର୍ତ୍ତା): ଟିଟିଲାଗଡ଼ ରେଳ ଷ୍ଟେସନରୁ ୫ କିଲୋମିଟର ଦୂର ତୁଳାଙ୍ଗ ଓଭରବ୍ରିଜରେ ଜଣେ ଯୁବକ ଆତ୍ମାହତ୍ୟା କରିଛନ୍ତି । ଯୁବକ ଜଣକ ମହୁଲପଡା ପଞ୍ଚାୟତ ଦେବେନ୍ଦ୍ର ଦାଶ ( ୩୬ ) ବୋଲି ଜଣାପଡ଼ିଛି । ଦେବେନ୍ଦ୍ର ପ୍ରଥମେ ବିବାହ କରିଥିଲେ ଓ ତାଙ୍କର ଗୋଟିଏ ପୁଅ, ଗୋଟିଏ ଝିଅ ଥିଲେ । ସେ ତୁଳାଙ୍ଗ ଗାଁ ସ୍ଥିତ ଏଆରଏସଏସ କମ୍ପାନୀ କ୍ୟାମ୍ପରେ ଡ୍ରାଇଭର ଭାବରେ ଵୋଲେରୋ ଚଳାଉଥିଲେ । ସେହି ସମୟରେ ତୁଳାଙ୍ଗ ଗାଁର ଆଉ ଜଣେ ଝିଅକୁ ଭଲପାଇବା ପରେ ତାକୁ ନେଇଯାଇ ବିବାହ କରିଥିଲେ। ସେ ୫ ମାସର ଗର୍ଭବତୀ ଅଛନ୍ତି । ଏହାପରେ ଘରେ ଧିରେ ଧିରେ ଅଶାନ୍ତି ବଢିଲା ଓ କଳହ ସୃଷ୍ଟି ହେଲା । ସେ ହଠାତ ଆତ୍ମହତ୍ୟା କରିବାକୁ ମନ ସ୍ଥିର କରି ଏଆରଏସଏସ କମ୍ପାନୀ କେମ୍ପକୁ ନିତିଦିନ ଭଳି ଗାଡ଼ି ଚଳାଇବାକୁ ବାହାରି ଥିଲେ । ଟିଟିଲାଗଡ଼ରୁ ଏକ ମାଲବୋଝ ଟ୍ରେନ ବଲାଙ୍ଗୀର ଯାଉଥିବା ଦେଖି ସେ ଟ୍ରେନ ଲାଇନକୁ ଡେଇଁ ଆତ୍ମହତ୍ୟା କରିଥିବା କୁହାଯାଇଛି । ସୂଚନା ପାଇ ବଲାଙ୍ଗୀର ଜିଆରପିଏଫ ପୋଲିସ ପହଞ୍ଚି ଶବ ବ୍ୟବଛେଦ କରି ପରିଜନକୁ ହସ୍ତାନ୍ତର କରାଯିବ ବୋଲି ଜଣାପଡିଛି ।
